မောဟ ၊ အဟိရိက ၊ အနောတ္တပ ၊ ဥဒ္စစ္စ ၊
လောဘ ၊ ဒိဌိ ၊ မာန ၊ ဒေါသ ၊ ဣဿ ၊ မစ္ဆရိယ ၊
ကုက္ကုစ္စ ၊ ထိန ၊ မိဒ္ဓ ၊ ၀ိစိကိစ္ဆာ စသည်တို့မှာ
စိတ်ကို ခြံရံလိုက်ပါ လျက်ရှိသော အကုသိုလ် စေတသိတ် များပေတည်း ။
မသိတတ်ဘိ မောဟ သိလော့ ၊
အဟိရိက မရှက်စွတည်း ၊
အနောတ္တပမူ မလန့် ဟူ၏ ၊
မှတ်ယူပြန်လျက် မငြိမ်သက်ထ ဥဒ္စစ္စ နှင့် ၊
လောဘ သဘော လိုချင်ဟော၏ ၊
မှားသော အမြင် ဒိဌိတွင်သား ၊
မာနကားမူ ထောင်လွှားကြွတက် ၊
ဒေါသထွက်ကြောင့် ခက်ခက်ထန်ထန် ၊
ဣဿ လျှံမူ လွန်ငြူစူ၏ ၊
ပြောထူ မစ္ဆေ ၀န်တိုလေသတဲ့ ၊
တထွေမှတ်ကြ ကုက္ကုစ္စကား နောင်တတဖန် ပူပန်ထန်ပြင်း ၊
ထိုင်းခြင်း ထိန ၊
မှိုင်း မိဒ္ဓ နှင့် ၊
ဗုဒ္ဓစသည့် ယုံမှားဘိမူ ၀ိစိကိစ္ဆာ ၊
ဆယ့်လေးဖြာသည် မှန်စွာ အကုသိုလ်ချည်းတည်း ။
( မိတ်ဆွေများ သတိပြု ဆင်ခြင်နိုင်စေရန် မှတ်စုထုတ်ထားခြင်းမှ တင်ပြခြင်း ဖြစ်ပါတယ် ။ အကုသိုလ်စေတသိတ်များ ကင်းဝေးကာ ငြိမ်းချမ်းကြပါစေဗျာ ။ )
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
၁ ။ မျက်စိ အာရုံ၌ တရားအသိဖြင့် စောင့်စည်းခြင်းသည် ကောင်း၏ ။
၂ ။ နား အာရုံ၌ တရားအသိဖြင့် စောင့်စည်းခြင်းသည် ကောင်း၏၊။
၃ ။ အနံ့ အာရုံ၌ တရားအသိဖြင့် စောင့်စည်းခြင်းသည် ကောင်း၏၊။
၎ ။ လျှာ(နှုတ်) အာရုံ၌ တရားအသိဖြင့် စောင့်စည်းခြင်းသည် ကောင်း၏၊။
၅ ။ ကိုယ်အထိအတွေ့ အာရုံ၌ တရားအသိဖြင့် စောင့်စည်းခြင်းသည် ကောင်း၏၊။
၆ ။ စိတ်၏ အာရုံတို့ ၌ တရားအသိဖြင့် စောင့်စည်းခြင်းသည် ကောင်း၏၊။
အလုံးစုံသော ဒွါရခြောက်ပါး အာရုံတို့ ၌ တရားအသိဖြင့်စောင့်စည်းခြင်းသည် ကောင်း၏၊။
အလုံးစုံသော ဒွါရခြောက်ပါး အာရုံတို့ ၌ တရားအသိဖြင့် စောင့်စည်းသော ပုဂ္ဂိုလ်သည် အလုံးစုံသော ဆင်းရဲမှ လွတ်၏။
ဒွာရခြောက်ပါး အာရုံတို့ ၌ တရားအသိဖြင့်မစောင့်စည်းသော ပုဂ္ဂိုလ်တို့သည် အာရုံခြောက်ပါးနှင့် ထိတွေ့တိုင်း ကိလေသာမီးသာ တရစပ်ပွားသဖြင့် အပါယ်သို့သာ ဆင်းလေကုန်၏။
သို့ကြောင့်သာလျှင် လူ နတ် ဗြဟ္မာ တစ်သိန်းသေလျှင် တစ်ဦးခန့်သာ လူ နတ် ဗြဟ္မာ ပြန်ဖြစ်ကာ ကျန်သော ၉၉၉၉၉ ဦး ခန့်သော ပုဂ္ဂိုလ်တို့သည် အပါယ်သို့သာ ဆင်းလေ၏ ဟု မြတ်စွာဘုရားရှင် ဟောခဲ့လေခြင်း ဖြစ်တန်ရာသည် ။ ဗုဒ္ဓမြတ်စွာဘုရား၏ တရားတော် သြ၀ါဒတို့သည် အလွန်အင်မတန်မှပင် အဖိုးတန်ကာ ကြည်ညို သဒ္ဒါပွား လိုက်နာသင့်လှပေတော့သည် ။
အများ ညီ၍ ဤ ကို ကျွဲ ဟု မဖတ်ရာ ။ မကောင်းသော ဒုစရိုက်မှုများ၌ အများနှင့် တစ်ယောက်ပင် ဖြစ်သော်ငြား ရဲဝံ့ ခိုင်မာစွာ ဆန့်ကျင်ရပေမည် ။ ဒုစရိုက်မှုကို ရှောင်ကျဉ်ရာ၌ မည်သူ့ မည်သူ့ အတွက်မျှ အားနာ မထောက်ထားသင့် ။ ထိုသို့ မဟုတ်ပါက သံသရာ တစ်လျှောက် အပါယ်လေးဘုံ ၌သာ စုန်ချည် ဆန်ချည်မျှောကာ စုန်းစုန်းမြုပ်ပေလိမ့်မည် ။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
၁ ။ ။
နာရီပိုင်း မိနစ်ပိုင်း စက္ကန့်ပိုင်း အတွင်း ဖြစ်ပျက်သွားတဲ့ ကိုယ့်စိတ်ကိုယ် ပြန်ကြည့်မယ်ဆိုရင်တောင်မှ ဖြစ်သမျှ စိတ်တွေဟာ ဒေါသ လောဘ မာနတွေနဲ့ ကျေနပ်လိုက် မကျေနပ်လိုက် ဒီစိတ်တွေ ချည်းပါပဲလား ။ အဲ့လို စိတ်ကို ဘယ်လိုများ အမှန်အတိုင်း ပြောရဲပါ့ ။ ဒါကြောင့် စိတ်ကောင်းရှိပါတယ်လို့ မိမိကိုယ် မိမိ ၀န်မခံရဲဘူးဗျာ ။
အပေါ်ယံအမြင်မှာတောင်မှ ကျေနပ်မှုတွေ မကျေနပ်မှုတွေနဲ့ လုံးထွေးနေတဲ့ လူတစ်ယောက်က ကျနော်ဟာ စိတ်ကောင်းရှိပါတယ်လို့ ပြောလာခဲ့ရင် သေချာတယ်ဗျို့ အဲ့လူဟာ ကိုယ့်စိတ်ကိုယ်တောင် တစ်ခါမှ သေချာမကြည့်ဖူးလို့ပဲ ။ အဲ့ဒီ လူကို နားလည် ခွင့်လွတ်သာ ပေးလိုက်ပါ ။ တရားထိုင်တယ် တရားမှတ်တယ်ဆိုတာ အရိုးရှင်းဆုံး ပြောရရင်တော့ ကိုယ့်စိတ်ကိုယ် စစ်တဲ့ အလုပ်ပါပဲ ။ စိတ်ကို စစ်ပေးပါ များလာရင်တော့ ကိုယ့်အဖြစ်ကို ကိုယ် သိလာမှာပါ ။
ကျွန်တော်တို့ဟာ မကောင်းမှုကို လူတွေ မသိအောင် ခိုးကြောင် ခိုးဝှက်နဲ့ လုပ်တတ်ကြတယ်။ ကာယကံမြောက် ၀စီကံမြောက် မလုပ်မိရင်တောင်မှ စိတ်ထဲမှာတော့ ကိလေသာ တင်းကြမ်းထ နေတတ်ကြတယ် ။ ကောင်းတာလေး လှတာလေး ချောတာလေး မြင်လိုက်တာနဲ့ တစ်သံသရာလုံး ဂုတ်ခွစီးလာတဲ့ လိုချင် တပ်မက်တဲ့ လောဘစိတ်က အလိုအလျောက် ဖြစ်ပြီးသား ။ တဏှာရာဂက အလိုအလျောက် ပြစ်မှားပြီးသား ။ ကိုယ့် နည်းနည်းလေး လာထိရင်တောင်မှ စိတ်ထဲမှာတော့ မခံချင်စိတ်က ထပြီးသား ။ ဒေါသတွေ ထွက်ပြီးသား ။ ဒီလိုပါပဲ ။ တစ်ချိန်လုံး ဘာကိုပဲတွေ့တွေ့ ကျေနပ်လိုက် မကျေနပ်လိုက် ဖြစ်နေတာ ကျွန်တော်တို့ စိတ်တွေပါပဲ ။
ဒါကြောင့်လည်း သာမန် လူတစ်ယောက်မှာ ကုသိုလ်စိတ် မဖြစ်ရင် အကုသိုလ်စိတ် ဖြစ်တယ်လို့ ဗုဒ္ဓစာပေမှာ အတိအလင်း ဆိုထားပေတာပဲ ။
ပိုဆိုးတာက အဲ့ဒီလို ကိလေသာတွေ ၀ုန်ဒိုင်းကြဲနေပေမယ့်လည်း ငါဖြစ်တာကို ဘယ်သူမှ မသိပါဘူးကွာ ဆိုပြီး ကျေနပ်နေတာပါပဲ ။ ရှက်ဖို့ အကောင်းဆုံးဟာ ဘာလဲ ဆိုတော့ ဘယ်သူမှ မသိဘူးလို့ ထင်ခဲ့ပေမယ့် ကိုယ်လုပ်ခဲ့တဲ့ အလုပ်ကို ကိုယ်တိုင်ကတော့ အသေအချာ သိမြင်ခဲ့တာကြောင့် ကိုယ်တိုင် သက်သေဖြစ်နေတယ်ဆိုတဲ့ အချက်ပါပဲ။
မကောင်းမှု ပြုသူအတွက် ဆိတ်ကွယ်ရာ အရပ်သည် လောက၌ မရှိ လို့ ဂေါတမ ဗုဒ္ဓက ပြောခဲ့တယ် မဟုတ်လား ။
ကိုယ်တိုင် သက်သေ ဖြစ်နေလို့ မကောင်းမှုပြုခဲ့တဲ့ မိမိကိုယ်မိမိ ရှက်တတ်ရင် တော်ပါသေးတယ်။ ဒါပေမယ့် လူမှာ ဖြစ်တတ်တာ တစ်ခုက သူများကို ညာတတ်သလို ကိုယ့်ကိုယ်ကို လည်း ညာတတ်ကြတယ် ၊ ဟန်ဆောင်တတ်ကြတယ် ။ ကိုယ့်အပြစ်တွေ မကောင်းတာတွေ စိတ်ကူးထဲမှာ ပက်ပက်စက်စက် တွေးခဲ့တာတွေကို အပြစ်မရှိသလိုလို မကောင်းစိတ်ပဲ တစ်ကယ် မရှိသလိုလို မတော်မလျော်မပြုခဲ့သလိုလို ဖုံးကွယ်ရင်း ဟန်ဆောင်ရင်း နဲ့ ကြာလာတော့ တကယ်ပဲ ကိုယ်ဟာ မကောင်းစိတ် မရှိတော့သလိုလို အပြစ်ကင်းသူလိုလို ထင်မိသွားတတ်တဲ့ အချက်ပါပဲ ။ အဲ့ဒီအထင် အမြင် နဲ့ ပြုမိ ပြောမိ ရေးမိမှာကို ကျနော်တော့ အကြောက်ဆုံးပဲဗျာ ။
မိမိရဲ့ အပြစ်ကို မမြင်တတ်တဲ့ အခါကျတော့ တစ်ခြားလူတွေကိုပဲ အပြစ်တွေ လိမ့်မြင်တော့တာပေါ့ဗျာ ။ တစ်ကယ်တမ်းကျတော့ သူခိုးက သူခိုးကို ပြန်ဟစ်နေသလိုပါပဲ ။ ဒါကြောင့် သူများကို အပြစ်တင်တော့မယ်ဆိုရင် ကိုယ့်စိတ်ကို ကိုယ်အရင် ပြန်စစ်ပါလို့ လေးလေးနက်နက်ကို အကြံပေးချင်တယ်ဗျာ ။
မိမိကိုယ် မိမိ အမှန်မြင်နိုင်ဖို့ တစ်ကယ်ကို လိုပါတယ် ။ အမှန်ကို လက်ခံနိုင်မှသာ ပြုပြင်ခွင့်တွေ ပြင်ဆင်ခွင့်တွေ ရပြီး ရှေ့ကို တိုးပြီး ကြိုးစားခွင့် ရမည် မဟုတ်ပါလား ။အရှိအတိုင်း မြင်ရဲဖို့တော့ အဓိကကို လိုအပ်တယ်ဗျာ ။
ကိုယ့်စိတ်ကိုယ် ကောင်းတယ်ချည်း စွတ်ထင်ပြီး အကုသိုလ်စိတ် ကုသိုလ်စိတ်တောင် ရှင်းရှင်းလင်းလင်း လက်မခံရဲပဲနဲ့တော့ ဒီတဏှာကို ဘယ်လို သတ်မလဲဗျာ ။
၂ ။ ။
မိတ်ဆွေ ဖြစ်သူ သည် စကားကို ဖြတ်လိုက်ရင်း စကားဝိုင်းမှ ထဖို့ ပြင်သည် ။ ကျနော် ကိုယ့်စိတ်ကို ကိုယ် တစ်ချက်မျှ သတိကပ်လိုက်မိသည် ။ အခုနေများ တစ်စုံတစ်ယောက်က နောင်ကြီးရေ နောင်ကြီးဟာ အပြစ်ကင်းသူ တစ်ယောက် ဖြစ်ပြီလားဗျာ လို့ မေးလာခဲ့ရင် ကျနော် အပြစ်ကင်းသူ တစ်ယောက် မဟုတ်သေးပါဘူးဗျာ ၊ ကျနော် အများကြီး ကြိုးစားရဦးမှာပါ လို့ ခေါင်းကို တွင်တွင်ယမ်းပြီး ပြောဖို့ ၀န်မလေးတော့ပါဘူး ။
ကိလေသာ ဟူ၍ မြူမှုန်မျှပင် ရှိတော်မမူသော ဘုရားရှင်နှင့် သူတော်စင် အပေါင်း၏ ဂုဏ်ရည်အား ရည်မှန်းကာ လက်အုပ်ချီမိုး ရှစ်ခိုးဦးခိုက် မိပေတော့သည်။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
၁။။
ညီလေးတွေ ရေလာလောင်းမှပင် သင်္ကြန် ရောက်ပြီ ဟူသော အသိသည် ၀င်လာလေသည်။ ရေစို အိကျှီင်္ကို လဲရင်း ၀ရန်တာမှာ ခဏရပ်ကာ တိုက်ခတ်လာသော လေနုအေးကို အဆုတ်ထဲ ပြည့်လာသည် အထိ အားရပါးရ ရှုရှိုက်လိုက်မိသည် ။ ကြည်လင်သော နံနက်ခင်း တစ်ခုပင် ။ ဒီနှစ် သင်္ကြန်တော့ စာအုပ် တစ်အုပ်နဲ့ နှစ်ပါးသွားလေမှပဲ ဟု စိတ်ကူးမိသည် ။ လက်ထဲမှ စာအုပ်ကို ဖွင့်ရင်း ခေါင်းစဉ်ကို ဖတ်လိုက်မိသည်။
ဆရာ နန္ဒာသိန်းဇံ ရေးသော ခရစ်နှစ် ၂၀၀၀ လွန် ၊ အမှတ်( ၁၀၀ ) အင်တာဗျူး ဂျာနယ် ။
၂။။
စိတ်ကူးတို့သည် စာအုပ်၏ ဆွဲငင်ရာ အတိတ်၏ အရိပ်သို့ ပြေးလေသည်။
အာဖရိကတိုက် မြောက်ပိုင်း နိုင်းလ်မြစ်ဝှမ်းဒေသ ၊ အာရှအနောက်ပိုင်း ၊ အာရေဗျကျွန်းဆွယ်မြောက်ပိုင်း မေဆိုပိုတေးမီးယား ဒေသက တီးဂရစ် နှင့် ယူဖရီးတီး မြစ်ဝှမ်း တစ်ဝိုက် ၊ အိန္ဒိယပြည်မြောက်ပိုင်း ၊ အိန္ဒုမြစ်ဝှမ်းဒေသ … ထိုထိုဒေသတို့၌ ရှေးရှေးအခါက ယဉ်ကျေးမှုတွေ ထွန်းကားခဲ့ကြသည်။ ထွန်းကားပြီးတော့လည်း ပျက်သုန်းကုန်ကြပြန်သည်။
ဘီစီ ၃၀ ရာစုလောက်မှစ၍ အီဂျစ်က ဘုရင်တိုင်း ပိရမစ် တည်ဆောက်ခဲ့သောကြောင့် ဘီစီ ၂၅ ရာစု အလယ်လောက် ရောက်ချိန်တွင် ပိရမစ်တွေ နိုင်းလ် မြစ်တစ်လျှောက်၍ အမြောက်အမြား ရှိနေကြပြီ ။ ဂီဇေး အရပ်ရှိ ရှေးအကျဆုံး ပိရမစ် တစ်ခုမှ နေ၍ တောင်ဘက်သို့ မျှော်ကြည့်လိုက်လျှင် မိုင် ၆၀ လောက်ထိ ပိရမစ်တွေ တန်းစီပြီး တစ်မျှော်တစ်ခေါ် ရှိနေကြသည် ။ ထို ပိရမစ်တွေထဲတွင် ဘုရာဇိုဆာ၏ အောက်ခြေအနား ၇၅၆ ပေရှည်၍ အမြင့်ပေ ၄၀၀ နီးပါး ( မူလက ၅၀၀ ) ရှိသည့် ပိရမစ်ကြီးလည်း ပါလေသည်။
နိုင်းလ်မြစ်ဝှမ်း ယဉ်ကျေးမှု ခေတ်ကြီးသုံးခေတ်အတွင်း တည်ဆောက်ခဲ့သော အဆောက်အအုံများသည် ခံ့ညားကြီးကျယ်ကြသည် ။ ပိရမစ်ဝန်းကျင်ရှိ သက်ဆိုင်ရာ ဘုရာတို့ ၏ သက်ဆိုင်ရာ မှူးကြီးမတ်ရာ ဆွေတော်မျိုးတော်တို့၏ သင်္ချိုင်းများ နှင့် ဘုရားဆောင်အတွင်းရှိ ဆေးရေးပန်းချီများသည်လည်း အံ့ဖွယ်ကောင်းသည်။ တတိယခေတ်အတွင်းက သိဘ် ( Thebes) မြို့တော်က ဘုရားကျောင်းတည်ဆောက်ထားပုံမှာ အနုပညာမြောက်လှသည်။
ကားနက် ( Karnak) ဘုရားကျောင်းခန်းမဆောင်တွင် တိုင်လုံးကြီးများ ရှိသည်။ တိုင်လုံးတစ်လုံး၏ ထိပ်သည် လူပေါင်း တစ်ရာစု၍ မတ်တပ်ရပ်နိုင်လောက်အောင် ကျယ်သည်။ ထိုတိုင်လုံးကြီးတို့၌ တန်ဆာဆင်ထားသော ပန်းချီ ပန်းပုတို့သည်လည်း အံ့ဖွယ်ကောင်းသည်။ ထိုအံ့ဖွယ်ကောင်းသော အရာတွေ ဖျက်ဆီးသူတို့ကြောင့် ပျက်စီးကုန်ကြပြီ ။ ပိရမစ်ကြီးတွေလည်း မရှုမလှ အဖောက်အထွင်း ခံခဲ့ကြရသည်။
အီဂျစ်မှ မေဆိုပိုတေးမီးယေားဒေသသို့ စိတ်အာရုံများက ခရီးဆက်ကြပြန်သည်။
တီးဂရစ်နှင့် ယူဖရီးတီး မြစ်ဝှမ်းနှစ်ခုကြားရှိ မေဆိုပိုတေးမီးယား ပြည်သည် ဘူမိဗေဒပညာရှင်နှင့် ကျောက်စာပညာရှင်တို့၏ သုတေသနပြုချက်အရ ယဉ်ကျေးမှု၌ ရှေးအကျဆုံးဒေသ ဖြစ်သည်ဟု ဆိုပါသည်။ မေဆိုပိုတေးမီးယားဒေသရှိ ဆူမေရီးယန်း လူမျိုးတို့သည်လည်း အံ့သြဖွယ်ကောင်းသော မြို့ကြီးများကို တည်ဆောက် နေထိုင်ခဲ့ကြသူများ ဖြစ်သည်။ ထိုမြို့ကြီးများအနက် ဦးရ် ( Ur) မြို့တော်မှာ ကြီးကျယ်လှသည် ။
ဆူမေးရီးယန်းတို့ တည်ဆောက်ခဲ့သည့် နန်းတော်တွေကလည်း ကြီးကျယ်သည်။ ဘုရားကျောင်းတွေကိုလည်း ခမ်းခမ်းနားနား တည်ဆောက်သည်။ တည်ဆောက်ရာ၌ ဆူမေးရီးယန်း အသုံးပြုသော အုတ်တစ်ချပ်သည် အလျားပေ ၂၀၀ ၊ အနံပေ ၁၅၀ ၊ အမြင့်ပေ ၇၀ ရှိသည်။
ဆူမေးရီးယန်းတွေ တည်ဆောက်ခဲ့သည် မြို့တော်ကြီးတွေ ဘုရားကျောင်းတွေ စာပေအနုပညာတွေကိုလည်း ဖျက်ဆီးသူတွေက ဖျက်ဆီးသောကြောင့် ပျက်စီးခဲ့ပြီ။ ဆူမေးရီးယန်းတွေကို ဖျက်ဆီးခဲ့ကြသော သူတွေကကော ဘာတွေ ဆက်ပြီး လုပ်ကြလေသနည်း။
အဆီးရီးယန်းလူမျိုးတို့သည် မေဆိုပိုတေးမီးယား တစ်ပြည်လုံးနှင့် အာရှမိုင်းနားကျွန်းဆွယ်တစ်ဝန်းလုံးကို သိမ်းယူကြသည်။ အဆီးရီးယန်းတို့၏ ရက်စက်မှုက ကမ်းကုန်သည်။ မြို့များကို သိမ်းရာ၌ အဆီးရီးယန်းတို့က မြို့သူမြို့သားတွေ ကြောက်ရွံ့အောင် အမျိုးမျိုး ရက်စက်ပြသည်။ တစ်ခါတစ်ရံ မြို့လုံးကျွတ်သတ်ပစ်ကြပြီး လျှင် တစ်ခါတစ်ရံတွင် မြို့သားများကို အရှင်လတ်လတ် အရေခွံခွာသည်။ မသေမရှင် သံတံကျင်နှင့် လျှိုသည်ဟု သူက သမိုင်းအထောက်အထားတွေနှင့် ပြောနေသည်။ ဤ ရက်စက်မှုတွေပြီးတော့ တည်ဆောက်ပြုပြင်မှုတွေ လုပ်ကြပြန်သည် ။
ဒုတိယ ဆာရ်ဂွန်ဘုရာ ( Sargon ) လက်ထက်တွင် နင်နီးဗီးယား ( Nineveh ) မြို့တော်ကြီးကို တည်ထောင်သည်။ ခမ်းနားလှသည့် နန်းတော်ကြီးကိုတည်ထောင်သည်။ ဆာရ်ဂွန်၏ သားတော် ဆင်နက်ကရစ် ( Sanacherib ) လက်ထက် နင်နီးဗီးယား မြို့ကြီးသည် ပို၍ပင် ကျယ်လာသည်။ မြို့တွင်းရှိ လမ်းကျဉ်းကလေးများကို လမ်းကျယ်လမ်းမကြီးတွေ ဖြစ်အောင် ချဲ့သည်။ အဆောက်အအုံတွေကို ကြီးကျယ်သည်ထက် ကြီးကျယ်အောင် တည်ဆောက်သည်။ ဆင်နက်ကရစ်ရေးထိုးခဲ့သော ကျောက်စာတစ်ခု၌ ငါသည် နင်နီးဗီးယား မြို့တော်ကြီးကို နေရောင်ကဲ့သို့ ဖိတ်ဖိတ်တောက်အောင် မွမ်းမံခဲ့သည် ဟု ဖော်ပြထားသည်။
ဆင်နက်ကရစ် က တိုင်းပြည်ကို ကျယ်သည်ထက် ကျယ်အောင်လည်း တိုက်ခိုက်ချဲ့ထွင်သည်။ ဆင်နက်ကရစ်သည် လက်အောက်ခံနိုင်ငံတွေနှင့် မြို့ဝန်တွေကို ထောက်ထားညှာတာခြင်း မပြု။ သူပုန်များကို ဖမ်းမိလျှင် ထိုသူများ၏ ကိုယ်မှ အရေကို ဆုတ်သည်။ ခြေ လက်နား နှာခေါင်းတို့ကို ဖြတ်ပစ်သည်။ မျက်စိတို့ကို ထိုးဖောက်ပစ်သည်။ အစုလိုက် အပြုံလိုက် မီးလောင် တိုက်သွင်းသည်။ ပုန်ကန်ရဲသူ နည်းသောကြောင့် ဆက်နက်ကရစ် ၏ လက်ထက်တွင် တိုင်းပြည်ငြိမ်သက်ပါလေသည်။ သို့သော်လည်း ဆက်နက်ကရစ် မရှိသည့်နောက်ပိုင်း၌ ဖျက်ဆီးသူတို့ ကြောင့်ပင် အဆီးရီးယန်းနိုင်ငံကြီး ပြိုကွဲပြန်သည်။ နင်နီးဗီးယားမြို့တော်ကြီးလည်း မြေပေါ်တွင် ပုံကျ ပျက်စီးသွားပြန်သည်။
နက်ဘူးကက်နက်ဇာ ( Nebuchadnezzar ) ၆၀၄-၅၆၀ ဘီစီ လက်ထက်၌ ဒုတိယ ဘေဘီလုံနိုင်ငံ ( ကော်ဒီယန်နိုင်ငံ ) ကို တည်ထောင်ပြန်သည်။ မြို့တော်ကြီးကို ယခင် နင်နီးဗီးယားမြို့တော် ထက်ပင် ကြီးကျယ်ခမ်းနားအောင် တည်ထောင်သည်။ နန်းတော်ကြီးထဲတွင် အမြင့်ပေ ၃၀၀ ရှိသော မျှော်စဉ်ကြီးများကို တည်ဆောက်သည်။ သစ်ပင်ပန်းများကိုလည်း မျှော်စဉ်ကြီးများတွင် စိုက်ပျိုးထားသောကြောင့် ဥယျာဉ်ပျံများသဖွယ် ဖြစ်နေကြသည်။ စတုရန်းမိုင် ၁၂ မိုင် ကျယ်သော မြို့တော်ကြီးကို ကြေးနီအတိ ပြီးသော တံခါးကြီးများဖြင့် မြို့ရိုးကြီးတွေ ပြုလုပ်ထားသည်။
ဤမျှကြီးကျယ်လှပတင့်တယ်သော မြို့တော်ကြီးများကိုလည်း မီးဒီးလူမျိုးများနှင့် အီရန်လူမျိုးတို့က ဖျက်ဆီးလိုက်ကြပြန်သည်။ ဖျက်ဆီးပြီးနောက် မိမိတို့ စိတ်ထင်ရာ တည်ဆောက်မှုတွေ လုပ်ကြပြန်သည်။
၃။။
၂၀၀၀ မတိုင်မှီ ဖြစ်ပွားခဲ့သော လူ့သမိုင်း၏ သုံးသပ်မှုကို ဆက်လက် ဖတ်ရှုမိသည်။
ဤသို့လျှင် ဖြစ်ပြန် ပျက်ပြန် လောကဓံတို့ ဖြင့် ရွေ့လျားလာခဲ့သော သမိုင်း၏ အတိတ်တို့ကို လှမ်းမျှော်ကြည့်ပါက အီဂျစ် ၊ မေဆိုပိုတေးမီးယားတို့၏ ကြီးကျယ်ခမ်းနားမှုများ၊ အဆီးရီးယန်းတို့၏ ရက်စက်မှုများ ၊ တရုတ် ၊ အိန္ဒိယတို့၏ နက်နဲသိမ်မွေ့လှသော ဘာသာတရားများ ၊ ဂရိတို့၏ အတွေးအခေါ် အဆောက်အအုံမြင့်မားခဲ့ခြင်းများ ၊ ရောမအင်ပါယာ၏ ထည်ဝါခန့်ညားမှုများ ၊ ရဟူဒီတို့ စိတ်ဓါတ်ကြံ့ခိုင်ပုံများ ၊ မဟာမေဒင်တို့ ချီတက်ပုံများ ၊ အလယ်ခေတ်မှ ခရစ်ယာန်ကျောင်းတော်၏ သြဇာကြီးမားပုံ ၊ မွန်ဂိုနှင့် တာတာတို့၏ လွှမ်းမိုးမှုများ ၊ အမေရိကန်နှင့် ပြင်သစ် တော်လှန်ရေးများ ၊ နပိုလီယန်၏ စစ်ချီလမ်းကြောင်းများ ၊ စက်မှု အရေးတော်ပုံ ၊ ၁၉ ရာစု အမျိုးသားရေး ၀ါဒနှင့် နယ်ချဲ့စနစ်တို့ အကြောင်း …….
အထက်က ဖြစ်ရပ်တွေ ၊ တည်ဆောက်မှုတွေ ခမ်းနားမှုတွေ ကြီးကျယ်ထည်ဝါမှုတွေသည် ယနေ့တွင် မရှိကြတော့။ အတိတ်က ကြီးကျယ်မှုတွေသည် သမိုင်းစာအုပ်၏ စာမျက်နှာများပေါ်တွင်သာ တွေ့နိုင်တော့သည်။ ကြီးကျယ်ပါသည် ဆိုသော အဆောက်အအုံများသည် အပျက်အစီး အစုအပုံကြီးအဖြစ်သာ ရှိတော့သည်။
လွန်ခဲ့သော နှစ်ပေါင်း ၅၅၆၀ အတွင်း စစ်ပွဲပေါင်း ၁၄၅၃၁ မျှ ဖြစ်ခဲ့သည်။ ပျမ်းမျှအားဖြင့် တစ်နှစ်လျှင် စစ်ပွဲ နှစ်ပွဲကျော် ဖြစ်ခဲ့သည်။ ၂၀ ရာစုရောက်၍ ပထမကမ္ဘာစစ်ဖြစ်တော့ ကျဆုံးသော စစ်သား ၁၀ သန်း ၊ သေပြီဟု ယူဆခဲ့သော စစ်သား ၃ သန်း၊ အရပ်သား ၁၃ သန်း သေခဲ့ကြသည်။ ထိခိုက်ဒဏ်ရာရသူ သန်း ၂၀ ၊ စစ်သုံ့ပန်း ၃ သန်း၊ စစ်ကြောင့် မိဘမဲ့သွားရသော ကလေး ၉ သန်း၊ စစ်ကြောင့် မုဆိုးမ ဖြစ်သွားရသော မိန်းမ ၅ သန်းရှိသည် ။ ရာစု တစ်ဝက်မကျိုးခင် ဒုတိယ ကမ္ဘာစစ်ဖြစ်ပြန်သည်။ ဤဒုတိယကမ္ဘာစစ်၌ လူပေါင်း ၅၅ သန်းမျှ သေခဲ့သည်။ စာရင်း မရဘဲ သေဆုံးသူတွေလည်း ရှိပေလိမ့်မည် ။
လူ့သမိုင်းကို ပြန်ကြည့်လျှင် မပျက်မစီးပဲ ကျန်နေသည်က လူတွေ၏ လောဘ ၊ ဒေါသ ၊ မောဟ တရားများပင် ဖြစ်သည်။ မပြည့်စုံမှုကြောင့် ခိုးမှု ဟူသော မကောင်းမှု ဒုစရိုက် စတင်ဖြစ်ပေါ်လာသည်ဟု ထေရ၀ါဒ စာပေရှိ စက္က၀တ္တိသုတ္တန် ကို ကိုးကား၍ ပြောထားလေသည်။ ပြည့်စုံသူကလည်း ပို၍ ပြည့်စုံလိုသဖြင့် လောဘတွေ တက်ကာ လိမ်ညာလှည့်ပတ်မှုတွေ အနိုင်အထက် လုယက်သတ်ဖြတ်မှုတွေ ဖြစ်ကုန်သည်။ ဤသည်မှာ ၀ိသမလောဘပင် ဖြစ်သည်။ ထိုလောဘ ကြီးသည်နှင့် အမျှ တစ်နိုင်ငံက တစ်နိုင်ငံကို နယ်ချဲ့ခြင်းတွေ သတ်ကြဖြတ်ကြ နှိပ်စက်ကြပြန်သည် ။ သိပ္ပံနည်းပညာနှင့် ၀ိသမလောဘ တို့ ပူးပေါင်းကာ ဖျက်ဆီးကြပြန်သည် ။ ထို့ အတူ ကာမဂုဏ်တို့၌ ဖောက်ဖောက်ပြန်ပြန် ပြုမှုသည့် အဓမ္မရာဂ သည်လည်း ဖြစ်လာသည်။ လူပေါင်း သန်း ၅၀ လောက် HIV ပိုး ရနေကြလေပြီ ။ မိစ္ဆာဓမ္မ ဟူသော လွဲမှားစွာ တွေးမြင်ယူဆ စွဲလမ်းမှုတွေ ဖြစ်ပေါ်လာပုံ ၊ ထိုမိစ္ဆာဓမ္မမှ ဖြစ်ပေါ်လာသော ၀ါဒစွဲ၊ ဘာသာစွဲတို့ကြောင့် ကြီးကျယ်သော လူမှုပဋိပက္ခတွေ ဖြစ်နိုင်လေသည် ။
၎။။
ခရစ်နှစ် ၂၀၀၀ အကြောင်း ဖတ်ပြီးတော့ ၂၀၀၀ နောက်ပိုင်း အကြောင်းသို့ အာရုံတို့က ဆက်လက်ရောက်သွားပြန်လေသည် ။ စိတ်ကူးတို့သည် ၂၀၀၁ ခုနှစ် စက်တင်ဘာ ( ၁၁) ရက်နေ့ သို့ ပြေးပြန်သည် ။
ထို အဖြစ်အပျက်ကတော့ အမေရိကန်ပြည်ထောင်စု၏ စီးပွားရေး အချက်အချာအကျဆုံး ဖြစ်သည့် နယူးယောက်မြို့၏ အစည်ကားဆုံး မန်ဟာတန်အရပ်ရှိ ကမ္ဘာ့ကုန်သွယ်ရေး အဆောက်အအုံကြီးကို လူစီး လေယာဉ်ကြီးများကို လက်နက်အဖြစ် အသုံးပြုပြီး ၀င်၍တိုက်ခိုက်သော အဖြစ်အပျက်ပင်တည်း ။
ဆိုခဲ့သည့် ကမ္ဘာ့ကုန်သွယ်ရေး အဆောက်အအုံ World Trade Centre ( WTC) အသည် အမွှာပူး Twin Tower အဆောက်အအုံဖြစ်ပြီး WTC အမှတ်(၁) အဆောက်အအုံက ၁၃၆၂ ပေ မြင့်သည်။ WTC အမှတ်( ၂) က ၁၃၆၈ ပေ မြင့်သည်။ ယင်း အဆောက်အအုံ တစ်ခုစီတွင် ဓါတ်လှေကားပေါင်း အစင်းပေါင်း ၁၀၄ စင်း၊ မှန်ပြတင်းပေါင်း ၂၁၈၀၀ ရှိသည်။ WTC အမှတ် ( ၁) နှင့် အမှတ်(၂) မှာ လုပ်သားပေါင်း ၅၀၀၀၀ အလုပ်လုပ်နိုင်သည်။ ထိုအဆောက်အအုံ နှစ်ခု၌ လာရောက်လေ့လာလည်ပတ်သည့် ဧည့်သည်ပေါင်း နေ့စဉ် ခုနှစ်သောင်းခန့် ရှိသည်ဟု သိရသည်။ အယ်လ်အေ ( L.A ) သို့ ပျံသန်းမည့် ခရီးသည် ၉၀ ကျော်ပါသော ဘိုးရင်း ၇၆၇ ဂျက်လေယာဉ်ကြီးကို လက်နက်အဖြစ် အသုံးပြုကာ ကမ္ဘာ့ကုန်သွယ်ရေး အဆောက်အအုံ WTC အမှတ်( ၁ ) ကို နံနက် ၈ နာရီ ၄၅ မိနစ် အချိန်မှာ ၀င်တိုက်သည် ။ ၁၂ နာရီ ၂၈ မိနစ်မှာ WTC အမှတ် ( ၁ ) ပြိုကျသွားသည် ။
ဘော့စတွန်မှ အယ်လ်အေ သို့ သွားမည့် ခရီးသည် ၆၉ ဦးပါသော နောက်လေယာဉ်တစ်စင်းကိုလည်း ပြန်ပေး ၅ ဦးက အပိုင်စီးပြီး WTC အမှတ် ( ၂ ) ကို ယင်းလေယာဉ်ဖြင့်ပင် နံနက် ၉ နာရီ ၃ မိနစ်မှာ ၀င်တိုက်ပြန်သည်။ နောက်မှ ၀င်တိုက်သော်လည်း WTC အမှတ် ( ၂) က အမှတ်(၁) ထက် စောပြီး ပြိုကျသွားသည်။ အနီးအနားမှ အဆောက်အအုံကြီးများလည်း လိုက်ပါ ပြိုကျသွားကြသည်။ လူပေါင်း ၆၈၈၆ ဦး ပျောက်ဆုံး သေဆုံးဖွယ် ရှိသည်ဟု ကြားသိရသည် ။
အယ်လ်အေသို့ပင် သွားမည့် လေယာဉ် ကို ပြန်ပေး ၅ ဦးက အပိုင်စီးကာ ပင်တဂွန် ( Pentagon ) တပ်မတော်ရုံးကို ၀င်တိုက်ပြန်သည်။ ထိုလေယာဉ်ပေါ်တွင် ခရီးသည် ၆၄ ဦး ပါသည်ဟု သိရသည်။
ထို့နောက် Newark လေဆိပ်မှ ဆန်ဖရန်စစ္စကိုသို့ ပျံသန်းမည့် လေယာဉ်တစ်စီးကိုလည်း ပြန်ပေး ၄ ဦးက အပိုင်စီးကာ အိမ်ဖြူတော်ကို ၀င်တိုက်ရန် ကြိုးစားသည်။ သို့ရာတွင် ပင်စီဗေးနီးယား ( Pennsylvania ) တောထဲသို့ ပျက်ကျသွားသည်။ ထိုလေယာဉ်၌ လူပေါင်း ၄၅ ဦး ပါသွားသည်။
၅။။
စာအုပ်ကို ခဏ ပိတ်လိုက်မိသည်။ ဖတ်ခဲ့ဖူးသော ဖရွိုက် ၏ အဆိုအမိန့် တစ်ချို့သည် အတွေးထဲသို့ အစီအရီ ၀င်လာပြန်သည်။
သာမန်အားဖြင့် ကြည့်ရင် လူတွေဟာ အသိဥာဏ် ဆင်ခြင်ဥာဏ်ရှိကြတယ် ။ အသိဥာဏ် ၊ ဆင်ခြင်ဥာဏ်က လူတွေကို ဦးဆောင်နေတယ်လို့ ထင်ရတယ် ။ ဒါပေမယ့် လူ့ သမိုင်း လူ့ဖြစ်စဉ်ကို ကြည့်ရင် ပို၍ ပို၍ မိုက်မဲမှုတွေကိုပဲ ပြုခဲ့ကြတာတွေကို တွေ့နိုင်တယ် ။ ပို၍ပို၍ စိတ်မငြိမ်းချမ်းဖွယ်ရာတွေကိုပဲ လူတွေ ကြုံတွေ့ရတာကိုလည်း တွေ့နိုင်တယ်။
တကယ်တော့ လူကို ဦးဆောင်နေတာဟာ အသိဥာဏ် ၊ ဆင်ခြင်ဥာဏ် မဟုတ်ဘူး ။ လူကို တကယ် ဦးဆောင်နေတာ စိုးမိုးနေတာ ပြဌာန်းနေတာက မသိစိတ် ၊ ဒါမှမဟုတ် လူ့စိတ်ရဲ့ အောက်ခြေ အနက်ရှိုင်းမှာ ရှိနေတဲ့ အစွဲတဏှာ အစရှိတဲ့ စွမ်းအားတွေ ဖြစ်တယ်လို့ ဖရွိုက်က ဖော်ပြခဲ့တယ် ။ တကယ်ကတော့ လူရဲ့ ဆင်ခြင်ဥာဏ် အသိဥာဏ်ဆိုတာဟာ အဲ့ဒီ စိတ်စွမ်းအားတွေလို့ ခေါ်ရတဲ့ အလိုလောဘ အစွဲတဏှာတွေ ၊ ဒေါသမာနတွေ … ဒါတွေရဲ့ နောက်လိုက် ဖြစ်နေတယ် ။ အစေအပါး ဖြစ်နေတယ်။ ဆင်ခြင်ခြင်း တရားဟာ အစွဲတဏှာအစရှိတဲ့ မသိစိတ်ရဲ့ စွမ်းအားခိုင်းသမျှ ပြုရတဲ့ ကျေးကျွန်ဘ၀ ကို ရောက်သွားတယ် ။ ဒေါသ လောဘ မောဟ မာန်မာန ဘာသာစွဲ လူမျိုးစွဲ နိုင်ငံစွဲတွေရဲ့ လုပ်ရပ်ကို လွတ်လွတ်လပ်လပ် မိုက်မိုက်မဲမဲ ပြုနိုင်အောင် အကောင်းဆုံး အခိုင်မာဆုံး အကြောင်းပြချက် ရှာပေးနေတာကပဲ လူတွေရဲ့ ဆင်ခြင်ခြင်း တရား ဖြစ်နေလေရဲ့ ။
၎ ။။
စာအုပ်ကို ဘေးသို့ ချကာ မတ်တပ်ရပ် အညောင်းအညာ ဆန့်ရင်း လူ့သမိုင်း၏ အနိဌာရုံ မြင်ကွင်းကို ကြိုးစား၍ ဖျောက်လိုက်ရသည် ။
အစွဲ တဏှာ၏ ဥပါဒါန်သည် ကြက်သီးထဖွယ် ကောင်းလှသည်။ ဘာကိုပင် စွဲစွဲ စွဲပြီ ဆိုသည်နှင့် ကိလေသာမီးသည် ဟုန်းဟုန်းထအောင် တောက်သည်ကိုလည်း အထင်းသားပင် တွေ့နိုင်လေသည် ။ လူတွေ ခေတ်အလိုက် ဘယ်လောက်ထိ စွမ်းဆောင်နိုင်ခဲ့လဲ ။ ကြိုက်သလောက် စွမ်းဆောင်နိုင်ခဲ့၊ တည်ဆောက်ခဲ့ ၊ ထိုအရာ အားလုံးသည် ထိုလူတို့၏ ဒေါသ လောဘ အာဃာတ တို့ကြောင့်ပင် ပျက်စီးရကြောင်း အခိုင်အမာ တွေ့နေရလေသည်။
အသောကမင်းကြီး ရေးထိုးခဲ့သော ကျောက်စာကို သတိရမိသည်။
ဤမည်သော ကောင်းမှုကို ငါ ပြုခဲ့ပြီဟု မိမိ၏ ကောင်းမှုကိုသာလျှင် လူသည် မြင်တတ်၏ ။ ဤမည်သော မကောင်းမှုကို ငါပြုမိ၏ ။ ဤသို့ ပြုမိခြင်းသည် ငါ၏ အပြစ်ပါတကားဟု မိမိ၏ မကောင်းမှုကို မမြင်တတ် ။ ဤသို့ ဆင်ခြင်ရှုမြင်ရန်ကား ခဲယဉ်းလှချေ၏ ။
မှန်ပေသည် ။ မည်သို့ပင် ဆိုးသွမ်းရက်စက်နေသော ဂန္တ၀င် လူဆိုးကြီး ဖြစ်ပါစေ သူ၏ လုပ်ရပ်အတွက် အကြောင်းပြချက် တစ်ခုခုတော့ အရန်သင့် ရှိနေတတ်လေသည် ။ လူသတ်သမားပင် ဖြစ်လေဦးတော့ သူ ဘာကြောင့် သတ်ရတယ် ဟူသော အကြောင်းပြချက် ရှိနေပေလိမ့်မည် ။ သူ့ကိုယ်သူတော့ မှန်တယ် ထင်မည်သာ ။ လူဆိုသည်မှာ မိမိလုပ်တာကိုတော့ ကောင်းတယ်ဟု ထင်သည်ချည်းပင် ။
ကိုယ်လုပ်တာကို မကောင်းဘူးဟု မမြင်သောသူသည် ကိုယ့်အပြစ်ကို မမြင်သောသူပင် ဖြစ်လေသည် ။ ထိုသို့ မိမိကိုယ် မိမိ အပြစ်မမြင်သောကြောင့်ပင် တစ်ဖက်လူ တစ်ဖက် အသင်းအဖွဲ့ ကို အပြန်အလှန် အပြစ်မြင်လေတော့သည် ။ စိတ်သဘောထားချင်း မတိုက်ဆိုင်မှု အငြင်းပွားမှုမှ တဆင့် ပဋိပက္ခဖြစ်ကာ နောက်ဆုံး စစ်ပွဲတွေ လူသတ်ပွဲတွေ အထိ ဖြစ်ကြတော့သည် ။
ဆင်ခြေတစ်ခုသည် အရန်သင့် ရှိနေတတ်ပေသည် ။ ဘာသာအတွက် လူမျိုးအတွက် နိုင်ငံအတွက် မိသားစု အတွက် ဆွေမျိုးအတွက် ချစ်သူအတွက် ဘာအတွက် ညာအတွက် .. စသည်ဖြင့် အကြောင်းပြချက်မျိုးစုံဖြင့် ပဋိပက္ခပေါင်းများစွာ ရန်ပွဲပေါင်းများစွာ စစ်ပွဲပေါင်းများစွာ အဆက်မပြတ် ဖြစ်ပွားခဲ့ပြီး လူ့အသက်ပေါင်းများစွာ အိုးအိမ်စည်းစိမ်ပေါင်းများစွာ ပျက်သုန်းခဲ့ရလေပြီ ။ လူသည် ကိုယ့်အပြစ်ကို ကိုယ်မမြင်နိုင်၊ မှန်သည်ဟု ထင်သည်ချည်းပင် ။
အကယ်၍သာ အဓိက တရားခံအစစ်မှာ ပုဂ္ဂိုလ် သတ္တ၀ါ သူတွေ ငါတွေ မဟုတ်ပဲ အရှိထင်သော သမုဒယ တဏှာလက်သမားကြောင့် ဖြစ်ရသော ဒေါသ လောဘ မောဟ မာန်မာန ရန်ငြိုး ရန်စ အာဃာတ အနိုင်ရလိုမှုတွေကြောင့်သာ ဟု လက်ခံနိုင်ခဲ့လျှင် ……
သင်္ကြန် အကြိုနေ့သည် ကျနော့် အတွက် လွတ်လပ်ပေါ့ပါးနေလေသည် ။ ဒါသည်ပင် ကျနော့် အတွက် သင်္ကြန်လက်ဆောင်ပေလော ။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
အများမုန်းစရာပ၊ ခါးကုန်းလို့ ဆံကေဖြူ။
အသက်ကြီးပြန်တော့၊ ပျက်စီး ကိုယ်ခန္ဓာက၊
အိုဒဏ်နာ ရန်ရှာချက်ကယ်ကြောင့်၊
ခွေယိုင်ကာ နေထိုင်ခက်လှတယ်၊
နှောက်ယှက် ဘေးထူ။
မကြားပါ နားမှာ လေးတဲ့ပြင်၊
အားမပါ သွားလာနှေးပါဘိ၊
ဝါးတောင်ဝှေး ဖေးတွယ်ကူ၊
ရှေးငယ်မူနှင့် လွန်ကွာဝေး။
အရိုးပဒေသာ အဘိုးဝေဒနာက၊
လေအလာ ကြွေကာသက်ရှာမယ့်၊
နွေအခါ ရွှေဝါရွက်လိုပ၊
မြေအလွှာ ခွေကာစက်တော့မည်ထင့်၊
ချောင်းတဟက်ဟက်ကယ်နှင့်၊
အပြောင်းခက်ပါဘိ၊
(အိုကွယ်…………) စောင်းလျက်မှိတ်မှေး။ ။
လှသိန်းဝင်း(ကနီ)
၁ ။။
ဝါးရင့် သည် တစ်ချိန်က ၀ါးနှ ပင်ဖြစ်လေသည် ။
ဝါးရင့်သည်လည်း အချိန်တန်လျှင် ၀ါးခြောက် ဖြစ်ရပေဦးမည် ။
အဆုံးတွင်တော့ ၀ါးခြောက်သည်ပင်လျှင် ဆွေးမြေ့လောင်မြိုက်ကာ ပျက်စီး ရပေဦးမည် ။ ဘ၀ ဟူသည် ဆပ်ပြာပူပေါင်းကဲ့သို့ အရောင်အဆင်း စုံလင်စွာဖြင့် ခဏတာ တောက်ပကာ ဖြိုးကနဲ့ ဖျောက်ကနဲ့ ပျောက်ကွယ်သွားတတ်ပေသည် ။ အဘယ်ကြောင့် မကြောက်မရွံ့ မေ့လျော့ ပျော်ပါးနေကြသနည်း ။
တွေ့ဆုံလာလျှင် ခွဲခွာရဦးမည် ။ မွေးဖွားလာလျှင် သေဆုံးရဦးမည် ။ မေ့လျော့ပျော်ပါးနေကြသော ကျွန်ုပ်တို့သည် သေဆုံးခြင်း တရားကို ဦးတည်နေသည်ကို သတိမှ ရပါလေစ ။
မိုးကုတ်ဆရာတော်ဘုရားကြီး သြ၀ါဒနှင့် ဆိုရသော် သားသတ်ရုံသို့ ခေါ်ဆောင်ခြင်း ခံနေရသော နွားသည် လမ်းခုလတ်၌ မြက်စိမ်းစိမ်းလေး တွေ့ရှိသဖြင့် ပျော်ပါးစားသောက် ကျေနပ်နေပြီး သေရမည်ကို မေ့နေသလိုမျိုးပင် ။
မွေးဖွားခြင်း၌ စခဲ့သော ကျွန်ုပ်တို့တွင် သေခြင်းတရားသည် ဧကန်မုချ ရှိနေလေပြီ ။ ဆပ်ပြာပူပေါင်းနှင့် တူသော ဘ၀ တစ်ခုသည် ကျွန်ုပ်တို့တွင် ရှိနေလေပြီ ။ ရရှိလာသော ဘ၀ ကို မည်သို့သော အရာမျိုးဖြင့် အလဲအထပ် လုပ်မည်နည်း ။ ကျွန်ုပ်တို့ဘ၀သည် ငွေကြေးတစ်ခုဖြင့် လုံလောက်ပြီလား ။
ဘွဲ့တွေဖြင့် လုံလောက်ပြီလား ။
ရာထူး အာဏာတွေဖြင့် လုံလောက်ပြီလား ။
ကျွန်ုပ်တို့ လူဖြစ်လာရသော ဘ၀အဓိပ္ပာယ်သည် ဤမျှဖြင့် ပြည့်စုံပြီလား ။
တစ်မျိုးဆိုရသော် ကျွန်ုပ်တို့ ခန္တာကိုယ်က ကလာပ်စည်းဆဲလ်တွေဟာ အကြောင်းအမျိုးမျိုးနဲ့ ပျက်ပြီးရင်းပျက်နေကြတယ် ။ အသစ် အသစ် ဆဲလ်တွေကလည်း ဖြစ်နေကြတယ် ။ အဲ့ဒီဆဲလ်တွေရဲ့ ဖြစ်ပျက်မှုအစဉ် ကို တကယ်ရှိနေ ၊ တည်နေတဲ့ အစုအဝေး ခန္တာပဲလို့ ထင်နေတယ် ။ ဆဲလ်တွေရဲ့ ပျက်နေမှုနဲ့ အသစ်ဖြစ်မှုတွေက မြန်ဆန်လွန်းတယ် ။ မြန်ဆန်လွန်းတဲ့ ဖြစ်ပျက်နေမှုကို သာမန်အမြင်နဲ့ မမြင်နိုင်ဘူး ။ စောစောက ကလာပ်စည်းဆဲလ်တွေဟာ အခု ကလာပ်စည်းဆဲလ်တွေ မဟုတ်တော့ဘူး ဆိုတာကို မမြင်နိုင်ဘူး ။ စောစောက ခန္တာကိုယ်ဟာ အခု ခန္တာကိုယ်မဟုတ်တော့ဘူးလို့ မမြင်နိုင်ဘူး ။ အခု ခန္တာကိုယ်ဟာ မူလခန္တာကိုယ် အရင်က ခန္တာကိုယ် မဟုတ်တော့ဘူးဆိုတာကို မမြင်နိုင်ဘူး ။ မမြင်နိုင်တော့ အဲ့ဒီ ဖြစ်ပျက်အစဉ်ရဲ့ အပေါ်ယံ သဏ္ဍာန်ကို တကယ်အဟုတ် အရှိ ထင်နေတယ် မြင်နေတယ် ။ ငါ သူ ယောက်ကျား မိန်းမ လို့ ထင်နေတယ် ။
ကျွန်ုပ်တို့ဟာ တစ်လျှောက်လုံး ဒီအထင်မှားတွေနဲ့ပဲ နှစ်ပါးသွားခဲ့ကြတယ် ။
တရစပ် ဖောက်ပြန်ပျက်စီးနေတဲ့ သဘော ၊ အသစ် အသစ် အစားထိုးနေမှု သဘောတွေကို မမြင်နိုင်ပဲ တစ်ခုခုပဲ တစ်ယောက်ယောက်ပဲ ငါပဲ သူပဲ စတဲ့ အထင်မှားမှုတွေပဲ တရစပ်ဖြစ်နေတယ် ။ အထင်မှားနေမှုများသာ တရစပ် ဖောက်ပြန်ပျက်စီးနေတယ် ။
ငါ သူ ယောက်ကျား မိန်းမ ကို အရှိထင်နေတဲ့အတွက် ၄င်းတို့အပေါ် ကပ်ညှိကာ ဒေါသ လောဘ မာန်မာန အာဃာတတရားတို့ ဖြစ်ပွားရတယ် ။ ထို ကိလေသာမီးများ ဟုန်းဟုန်းတောက်နေလို့ ကြီးစွာသော ပင်ပန်းဆင်းရဲခြင်းသည်လည်း ဖြစ်ရတယ် ။ ချမ်းသာစွာ နှစ်ခြိုက်စွာပင် မအိပ်စက်နိုင် ။ ကိလေသာမီး တောက်သောသူ၏ ညဥ့်တာသည် ရှည်လျားလွန်းလှတယ် ။ ထို့အတူ သံသရာသည်လည်း အဆုံးမရှိ ရှည်လျားလွန်းလှပေတယ် ။
ငါ သူ ယောက်ကျား မိန်းမ ဟု အထင်မှားနေမှုသဘောများသာ တရစပ်ဖောက်ပြန်ပျက်စီးနေမှု အမှန်တရားကို ဆင်ခြင်နှလုံးသွင်းပေးခြင်းဖြင့် အထင်မှားနေမှုမှန်း သိလာသည်နှင့်အမျှ ၄င်းတို့ အပေါ် ကပ်ညှိ လောက်မြိုက်သော ကိလေသာမီးများလည်း လျော့လေသည် ။
မင်းတို့အားလုံး ဒုက္ခနွံထဲမှာ နစ်မနေကြနဲ့တော့၊ မအို..မနာ..မသေတဲ့၊ ဒုက္ခခပ်သိမ်းငြိမ်းတဲ့ အရပ်ရှိတယ်၊ အဲ့ဒီ့ကို ရောက်အောင်သွားကြ ။
ဘုရားဟောသော စကားပင် ။
ဗုဒ္ဓဘာသာဟု ခံယူပြီး ဗုဒ္ဓ့စကားကိုပင် မယုံလေသောကြောင့် နားမထောင်ကြလေသလား ၊ ဗုဒ္ဓညွှန်သောလမ်း မလျှောက်ကြလေ သလား ။
၂ ။ ။
အထက်ပါ စကားများကို ပြောပြီးနောက် မိတ်ဆွေဖြစ်သူသည် ကံဆိုသည်မှာ စိတ်တို့၏ အရိပ်တစ်ခုသာ ဖြစ်ကြောင်း ဆက်လက် ပြောဆိုနေပြန်လေသည် ။ ကျနော်သည် သူ့ကို တစ်ခွန်းမှ ပြန်မပြောနိုင်ပဲ နုတ်ဆိတ်၍သာ နေရလေသည် ။ သူသည် ကျနော့်ကို မည်သို့ မြင်သည် မသိ ။ ကျနော်၏ စိတ်အစဉ်တို့သည် အတိတ်သို့ လည်း ပြေးနေလေသည် ။ အနာဂတ်သို့လည်း ပြေးပြန်သည် ။
ဆင်ခြင်နှလုံးသွင်းမှုအပိုင်းတော့ ဟုတ်ပါပြီ ၊ ငါ ဒီ လုပ်လက်စလေးကိုတော့ ပြီးဆုံးအောင် လုပ်လိုက်ပါဦးမယ် ဟူသော အတွေးသည် ဖြစ်မိလေသည် ။ ဤ အတွေးကိုများ သူသိလျှင် ငါ ကို အရှိထင်နေသဖြင့် ငါအတွက် လိုချင်နေသေးတယ် လောဘမီးတွေ တောက်နေသေးတယ် လို့များ ပြောလေမလား ။
ကျနော့်တွင် ခိုင်မာသော အကြောင်းပြချက်တစ်ခုတော့ ရှိနေသည်မှာ ပြောစရာ လိုမည် မထင်ပါ ။ လူဆိုသည်မှာ မိမိကိုယ်မိမိတော့ မှန်တယ်ဟု ထင်သော သဘော ရှိသည် မဟုတ်ပါလား ။
" နေရာမကျတာကို နေရာမကျဘူးလို့ သိရင် နေရာကျပြီဗျာ့ ။ နေရာလည်း မကျဘဲနဲ့ နေရာကျတယ် ထင်နေတာကတော့ နည်းနည်းလေးမှ မျှော်လင့်စရာမရှိဘူးဗျာ့ ။ " ဝေဘူဆရာတော်ဘုရားကြီး ဦးကုမာရ ၏ သြ၀ါဒ ကို ပြန်လည် အမှတ်ရမိသည် ။
မိမိကိုယ် မိမိ အမှန်မြင်ရဲဖို့ အမှန်ဝန်ခံရဲဖို့ ကြိုးစားရပေဦးမည် ၊ ငါ ၏ မှန်တယ်ထင်သော အတ္တကို ချိုးနှိမ် တိုက်ဖျက် ရလေဦးမည် ဟု သတိတွေ အကြိမ်ကြိမ် ပေးနေမိသည်။
ဖတ်ဖူးသော ဗုဒ္ဓစာပေတစ်ချို့ကို အမှတ်ရလိုက်မိသည် ။
အတိတ်ခန္ဓာသို့လည်း အစဉ်မလိုက်ရာ အနာဂတ်ခန္ဓာကိုလည်း မတောင့်တရာ ၊ အတိတ်သည် ချုပ်ပြီးပြီ ၊ အနာဂတ်သည်လည်း ရောက်မလာသေး ။ ပစ္စုပ္ပန်ဖြစ်သော သဘောတရားကို ထိုသို့ဖြစ်ဆဲခဏ၌သာလျှင် အဖန်ဖန်အားထုတ်ရာ၏ ။
ကျနော်၏ စိတ်တို့ ပစ္စုပ္ပန်တည့်တည့် မကျသေးသည်မှာ သေချာလှပေသည် ။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
၁။ တရား ဘာကြောင့် အားထုတ်ရပါသလဲ။
- ငြိတွယ်မှု စိတ်အနှောင်အဖွဲ့အားလုံး မှ လွတ်ကင်းကာ ဘ၀တစ်လျှောက် စိတ်ချမ်းသာ စွာ နေသွားနိုင်ရေး stress စိတ်ညစ်-အကြေးများ(လုံးဝ)စွန့်ပစ်နိုင်ရန်တရားအားထုတ်ရပါ သည်။
- အဘယ့်ကြောင့်ဆိုသော် stress/defilements စိတ်အညစ် အကြေး များသည် မိမိရည်မှန်းချက်ဟူသမျှကို ပိတ်ဆို့တားဆီး နေသဖြင့် မိမိစိတ်အညစ်အကြေး ကိလေသာများကို စွန့်လွှတ်ခြင်း ဖြင့် မိမိရည်မှန်းချက်ဟူသမျှကို ရရှိအောင်မြင်စေ ပါမည်။
၂။ တရား ဘယ်လို အားထုတ်ရမှာလဲ။
-သမထ တရားအားထုတ်မှုတွင် တစ်ခုခု ကို အာရုံ စူးစိုက် ရမည် ဖြစ်သော်လည်း ..
ဝိပဿနာဥာဏ်များ ဖြစ်ပေါ်စေရေးအတွက်မူ...တစ်ခုခု ပြုလုပ်နေချင်သောစိတ် (ဘယ်လို-ညာလို လုပ်ချင်နေတဲ့စိတ်)ကို စွန့်လွှတ်နေတာ တရား အလုပ် ပါ။ ဘာမှမလုပ်ပဲ နေခြင်းမျိုးလည်းမဟုတ်ပါ။မိမိပေါ်သမျှစိတ်များ (အ၀ိဇ္ဖာ-တဏှာ တည်းဟူသော လောဘ-ဒေါသ-မောဟစိတ်များ) ကို အဟုတ်-တကယ် လို့ မယူဆဘဲ တရစပ် စွန့်လွှတ်နေတဲ့ အလုပ် လုပ်တတ်အောင် လေ့ကျင့်နေတာ တရားအလုပ်ပါ။ တနည်းအားဖြင့် ....-ဟိုလိုလုပ်ချင် - ဒီလို လုပ်ချင်နေသော စိတ်များကို အမှန်တရား သစ္စာ တရား (noble truth/ ultimate reality) ကို နားလည်ခြင်း အား ဖြင့် စွန့်လွှတ်ရမည်။
-ဘ၀တစ်လျှောက် စွဲမြဲလာခဲ့သော-ဘာလုပ်ချင်-ညာလုပ်ချင်နေ သောစိတ် (ပေါ်သမျှစိတ်အားလုံး) ကို အမှန်တရားကို နားလည် ခြင်းအားဖြင့် စွန့်လွှတ်ရပေမည်။ စိတ်သည် တစ်ခုခုကို တကယ်အဟုတ် ထင်မှတ်ကာ လုပ်ချင်နေ-ကြားချင်နေ-မြင်ချင်နေ-သိချင်နေ-စူးစမ်းချင်နေ-လိုချင်နေပေသည်။
၃။ အမှန်တရား သစ္စာတရား (noble truth/ ultimate reality) ကဘာလဲ။
ဗုဒ္ဓ မှ အဘိဓမ္မာတွင် (၀ိပဿနာတရားနှလုံးသွင်းရာတွင်) တစ်ခုခု အဖြစ် - တစ်ယောက်ယောက်အဖြစ် ဆိုတာ သတ်မှတ်ချက်သက်သက်မျှသာဖြစ်ပြီး လူမှုနယ်ပယ်တွင် ဒါနမှု-သီလမှု-တို့ပြုလုပ်ရန်အတွက် အသုံးချရန်အတွက်သက်သက်သာဖြစ်ပြီး - တကယ်အစစ် အမှန်တရားမဟုတ်ကြောင်း ပြောကြားထားပြီးဖြစ်လေသည်။
မမေ့မလျော့ နှလုံးသွင်း ဆင်ခြင်ရမယ့် တကယ့် အမှန်တရားဆိုတာ တစ်ခုခု မဟုတ်ပါ။ အကန့်အသတ် မရှိ (endlessly) စက္ကန့်တိုင်း တရစပ် အသစ်အသစ်ဖြစ်လာလိုက် လျင်မြန်စွာ-ပျက်စီးသွားလိုက် နှင့် process သဘော အဖြစ် သာရှိနေသော (စိတ်-စေတသိက်-ရုပ် ဟူ၍ အမည်ပေးထားသော )စွမ်းအင်သတ္တိသဘာဝများကို တစ်ခုခု-တစ်ယောက် ယောက်-ငါ-သူ-ပုဂ္ဂိုလ်-သတ္တ၀ါ (I, YOU, SOMEONE, INDIVIDUAL, EGO, SELF, ENTITY) အဖြစ် အချိန်တစ်ခု ကြာအောင် တောက်လျှောက် ရှိနေ-မြဲနေသည် ဟု အထင်မှားနေမှု ဖြစ်သည်။ တစ်ခုခု-တစ်ယောက်ယောက်-အခြေအနေ တစ်ခု ကို အမှန်တကယ် ရှိနေသည်။ ဖြစ်နေသည် ယူဆနေမှု ။ အဟုတ်ထင်နေမှုသဘော သက်သက် ဖြစ်သည်။
(တနည်း) မျက်စိ-နား-နှာခေါင်း-လျှာ-ကိုယ်-စိတ် တွင် ဖြစ်ပေါ် လာနေသော မြင်စိတ်-ကြားစိတ်-နံစိတ်-ရသာစိတ်-ထိသိစိတ်- တွေးတောကြံစည်စိတ်များကို တစ်ခုခု အဖြစ် အချိန် တစ်ခု ကြာအောင် အဟုတ်တကယ် ရှိနေသည် - ဖြစ်နေသည်ဟု အဟုတ်ထင်နေမှုသဘော (အထင်မှားမှုသဘော) အသစ်အသစ်များ ဖြစ်လေ သည်။
မိမိစိတ် - မိမိခန္ဓာ အပေါ်တွင် ညဘက် တွင် မီးတိုင်တစ်ခုကို လက်ဖြင့် လျင်မြန်စွာ လှည့်ဝိုင်းပါကမီးကွင်းကြီးတစ်ခုရှိနေသည်ဟု ထင်ရပုံ ဥပမာ - မြစ်ဥပမာ - ဖယောင်းတိုင် မီးတောက် ဥပမာ - ဘုရား ဆိုင်းဘုတ် မီးလုံးလေးများ ဥပမာ စသည့် ဥပမာလေးများ နှင့် နှိုင်းယှဉ် ကြည့်ကာ သဘာဝတရားတွင် (တစ်ခုခု အဖြစ်) ဒီတစ်ခု ဒီတစ်ခု အဖြစ် ရှိနေခြင်းမဟုတ်ဘဲ ဖြစ်စဉ်သဘော process သဘော သက်သက် သာ ရှိကြောင်း နားလည်သဘောပေါက်ရန် ဖြစ်ပါသည်။
၎။ မျက်စိ-နား-နှာခေါင်း-လျှာ-ကိုယ်-စိတ် (six senses doors) များတွင် ပေါ်သမျှ သိသမျှ တွေဟာ အချိန်တစ်ခု ကြာအောင် တကယ်ရှိနေ-တကယ်မြဲနေ--တကယ်ဖြစ်နေ သည်ဟု ယူဆနေမှု -အထင်မှားနေမှု- ကို ဘယ်လိုစွန့်ရ မှာလဲ။
- အမှန်တရားကို နားလည်ခြင်းအားဖြင့် - မမေ့ခြင်းအားဖြင့် မပြတ်တရစပ် နှလုံးသွင်း ဆင်ခြင်ခြင်းအားဖြင့် စွန့်ရမည်။
- အရာရာ ဖန်ဆင်းရှင် ဘုရားသခင် ဆိုတာ တကယ်ရှိမနေပါ။ - သို့သော် ဖန်ဆင်းရှင် ဘုရားသခင် ဟာ တစ်နေရာရာမှာ တစ်ယောက်ယောက်အဖြစ် ရှိနေသည်-မြဲနေသည်ဟု ယူဆနေမှု - ထင်မှတ်နေမှုများ(အထင်မှားနေမှုများ) က တော့ တရစပ် အသစ်အသစ်သဘောဖြင့် ဖြစ်ပေါ်လျှက်ရှိနေပေသည်။
ဥပမာ ပေးရရင် ပူတယ် လို့ထင်တာ ဆိုတာ တကယ်မဟုတ်ပါ။ သို့သော် ပူတာလေး ဟာ တစ်နေရာရာမှာ တစ်ခုခုအဖြစ် အချိန်တစ်ခုကြာအောင် ရှိနေသည်-မြဲနေသည်ဟု ယူဆနေမှု - ထင်မှတ်နေမှုများက တော့ တရစပ် ဖြစ်ပေါ် ပျက်စီးလျှက်ရှိနေပေသည်။
၅။ “ပူတယ်လို့ ထင်တာ“ ဟာ ဘာကြောင့် တကယ်မဟုတ် (unreal) လို့ ဆိုပါသလဲ။
ပူတာ လေးတင်မဟုတ်ပါ။ ပူတာ-အေးတာ - တင်းတာ-လျော့တာ -ခက်မာတာ-နူးညံ့တာ- လှုပ်တာ-ငြိမ်တာ- ကောင်းတာ-ဆိုးတာ- ခံစားလို့ ကောင်းတာ-ခံစားလို့မကောင်းတာ စသည်ဖြင့် ဆန့်ကျင် ဘက် တရားများဟာ တကယ်ရှိနေ-ဖြစ်နေတာမဟုတ်ဘဲ- နှိုင်းယှဉ် မှု (သတ်မှတ်မှု) relativity ကြောင့်သာ အဟုတ်တကယ် ရှိနေဖြစ်နေတယ်လို့ ထင်ရတာပါ။
တကယ့် အမှန်တရားက ထိုဆန့်ကျင်ဘက်တရားများကို အဟုတ် တကယ် ရှိနေ -ဖြစ်နေတယ်လို့ အထင်မှားနေမှု-များသာ တကယ် ရှိနေ ဖြစ်နေ လေသည်။ ထိုကဲ့သို့ အထင်မှားအောင် အ၀ိဇ္ဖာ - ကိလေသာ (delusion) ၏ လှည့်စား ဖန်တီးပြုလုပ်မှုများသာ တရစပ် အသစ်အသစ်ဖြစ်ပေါ် ပျက်စီးလျက်ရှိနေပေသည်။
အပူ-အအေး ဆိုတာ တကယ်မဟုတ်။ နှိုင်းယှဉ် သတ်မှတ်မှုများကြောင့်သာ ပူတယ်-အေးတယ် ဆိုတာတွေကို အမှန် တကယ် ဖြစ်နေတယ်၊ အဟုတ် တကယ် ဖြစ်နေတယ် လို့ ထင်မှတ်ရခြင်းဖြစ်လေသည်။
ဥပမာ- မလေးရှားနိုင်ငံရှိအပူချိန်မှာ အမေရိကားမှ ရောက်လာသူတစ်ဦး အဖို့ ပူလွန်းတယ်လို့ ထင်မှတ်ရပြီး။ ထိုမလေးရှားနိုင်ငံအပူချိန်ကိုပင် အရှေ့အလယ်ပိုင်းဒေသ မှ ရောက်လာသူတစ်ဦးအတွက်မူ ပူသော ရာသီဥတု မဟုတ်ဟု ထင်မှတ်ရမည် ဖြစ်လေသည်။နောက်ဥပမာအနေနဲ့-တူညီသောဖိအားဖြင့် အနှိပ်ခံရမှုတစ်ခုကို အနှိပ်ခံလေ့ရှိသူက ကောင်းတယ်ဟု သတ်မှတ်မည်ဖြစ်သော်လည်း- အနှိပ်ခံလေ့ အကျင့်မရှိသူကို ထိုတူညီသောဖိအားဖြင့် အနှိပ်ခံခိုင်းပါက နာတယ်လို့သတ်မှတ်ပေမည်။
“အကောင်း-အဆိုး သတ်မှတ်ချက် - မှန်တယ်-မှားတယ် သတ်မှတ်ချက် ပူတယ်-အေးတယ် သတ်မှတ်ချက် နာတယ်-ကောင်းတယ်“ ဆိုတဲ့ သတ်မှတ်ချက်များဟာ အမှန် တကယ် ဖြစ်နေတာ မဟုတ်ဘဲ ဒီသတ်မှတ်ချက်တွေအပေါ် အဟုတ် တကယ် လို့ (အတည်ဖြစ်တယ်)လို့ “ထင်မှတ်နေမှုပဲ အထင်မှားနေမှုများပဲ“ တကယ်ဖြစ်နေတယ်လို့ မပြတ်တရစပ် နှလုံးသွင်းဆင်ခြင် သတိရ ယုံကြည်နေခြင်းကိုပင် အမှန်တရား သစ္စာတရား ကို နှလုံးသွင်းဆင်ခြင်ခြင်းဟု ဆိုရပေမည်။
အမှန်တရား သစ္စာတရားသည် နေရာဒေသ-လူမျိုး-ဘာသာမရွေး-အချိန်မရွေး မှန်ကန်နေပေသည်။
၆။ အနိစ္စ တရစပ် ဖောက်ပြန် ပျက်စီးမှု ဆိုတာ ဘာလဲ (သို့) အနိစ္စ ကို သိ နေခြင်း အနိစ္စ ကို နှလုံးသွင်း ဆင်ခြင်နေခြင်း ဆိုသည်မှာ မည်ကဲ့သို့ ဆင်ခြင်ခြင်းမျိုးဖြစ်သနည်း။
အနိစ္စ ဟု ဆိုရာတွင် လူတစ်ယောက် အသက် ၆၀ ထိအောင် ရှိနေ-မြဲနေပြီး- အသက် ၆၀ ပြည့်မှ အနိစ္စရောက်သွားခြင်းမျိုးကို ဆိုလိုတာမဟုတ်ပါဘူး။
ပူတာလေးတစ်ခု က ၆- စက္ကန့်ကြာအောင် ရှိနေ-မြဲနေပြီး ၇- စက္ကန့်မှာ အနိစ္စရောက် ပျက်စီးသွားတာ မျိုးမဟုတ်ပါ။
အတွေးလေးတစ်ခုက ၁မိနစ်- ၂မိနစ်ကြာအောင် ရှိနေတယ်- လျှောက်သွားနေတယ်...ပြီးမှ ပျက်စီးသွားတယ် စသည်ဖြင့် နားလည်ခြင်းမျိုးမဟုတ်ဘဲ-
ပူတာလေး-နာတာလေး-မြင်တာလေး-ကြားတာလေး တစ်ခုခုက အချိန်တစ်ခုကြာ အောင် ရှိနေ-မြဲနေပြီးမှ အနိစ္စရောက် ပျက်စီးသွားတယ်လို့ နားလည်ခြင်းမျိုးမဟုတ်ဘဲ-
ဘုရားဟော မျက်တောင်တစ်ခတ်-လျှပ်တစ်ပြက်အတွင်းမှာ ကုဋေ နှင့်ချီပြီး ပျက်စီးလိုက် ပြန်အသစ်ဖြစ်ပေါ်လိုက်နှင့် လျင်မြန်လွန်းစွာ ပြောင်းလဲ ဖောက်ပြန် ပျက်စီးနေမှု ဖြစ်စဉ်များ process ကို မသိနိုင်ခြင်းမှာ-ပူတာလေးတစ်ခုက ပျက်စီးသွားသည်ဟု အထင်မှား လေသည်။
အမှန်က တရစပ်ပျက်စီးနေမှု ဖြစ်စဉ်ကို ပူတာလေးဟု အထင်မှားခြင်းဖြစ်လေသည်။
အတွေးလေးတစ်ခုက-ကြားစိတ်လေးတစ်ခုက-စိတ်ကလေးတစ်ခုက-ဝေဒနာလေးတစ်ခုက အချိန်တစ်ခုကြာအောင် ရှိနေ မြဲနေ ဖြစ်နေပြီး-နောက်မှ ပျက်စီးသွားတာဟု နားလည်ခြင်းမျိုးမဟုတ်ပါ။၊
တရစပ် လျင်မြန်စွာ အသစ်အသစ်အစားထိုးဖြစ်လာလိုက် ပျက်စီးသွားလိုက် ဖြစ်နေသော စွမ်းအင် သတ္တိ သဘာဝ ဖြစ်စဉ်များကို အတွေးလေး တစ်ခုက-ကြားတာလေးတစ်ခုက-စိတ်ကလေး တစ်ခုက-ဝေဒနာလေးတစ်ခုတည်းက အချိန်တစ်ခုကြာအောင် ရှိနေ မြဲနေ ဖြစ်နေပြီး-နောက်မှ ပျက်စီးသွားတာဟု ထင်မြင်မိနေမှု (အထင်မှားမှုသက်သက် misunderstanding or Avijja)ပဲ တကယ်ရှိနေလေ ဖြစ်လေသည်။
ထိုကဲ့သို့ အတွေးလေးတစ်ခုက-ကြားစိတ်လေးတစ်ခုက-စိတ်ကလေးတစ်ခုက-ဝေဒနာလေးတစ်ခုခု မှ အချိန်တစ်ခုကြာအောင် တကယ် ရှိနေ - တကယ်ဖြစ်နေပြီး-နောက်မှ ပျက်စီးသွားတာဟု ထင်မှတ်နေမှု .....အထင်မှားမှုများ များသာ တရစပ် ပျက်စီးလျက်နေသည်ဟူသော (အနိစ္စ) အမှန်တရားကို ဆိုလိုပါသည်။
ထိုအမှန်တရားကိုသာ တရစပ် နှလုံးသွင်းဆင်ခြင်နေရန် မမေ့မလျော့ မပေါ့မဆသော သတိတရားဖြင့် မပြတ်သတိရစေရန် ပြုလုပ်ခြင်းကိုပဲ ပညာမဂ္ဂင် နှစ်ပါး အဖြစ် - တရား နှလုံးသွင်းသောအလုပ် တရားအားကိုးသော အလုပ် အဖြစ် ခေါ်ဆိုနိုင်ပါသည်။
(ဆူနာမီဆရာတော်၏ တရားနှလုံးသွင်းဆင်ခြင်ရန် သင်ကြားပေးမှုများကို အခြေခံလျှက် ဥာဏ်မီသလောက် တင်ပြအပ်ပါသည်။ Beginners များအတွက် ရည်ရွယ်ပါသည်)
မေတ္တာဖြင့်
စိုးဝင်းထွဋ်
(www.moethout.com,
http://mindfulness.moethout.com ,
www.kodiamond.multiply.com,
www.trueanswer.co.cc)
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
ဓမ္မ မိတ်ဆွေ အပေါင်းတို့ ခင်ဗျား
ယခု တင်ထားတဲ့ တရားတော်များကတော့ ဆရာတော် ဦးဥတ္တမသာရ မလေးရှားသို့ ရောက်ရှိစဉ် ဟောကြားထားသော တရားတော်များ ဖြစ်ပါတယ်။ တရားတော်များ ဒေါင်းလုပ်ချ နာယူပြီး အမှန်တရားကို လက်ခံ ကျင့်သုံး နိူင်ကြပါစေခင်ဗျား။
Download -1Download -2Download -3Download -4Download -5Download -6Download -7Download -8Download -9
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
Dear Dhamma or Meditation friends,
Here comes excellent dhamma news for all of us.
Please forward this message to your Dhamma or meditaion friends living far and near.
"Tsunami Sayadaw U Ottamasara
of
Thanlyin Pagoda Hill Meditation Centre,
Myanmar (Burma)
will be conducting 12 -day
Meditation Retreat
in Singapore."
Tentative Programme in Singapore
Date : 4th March 2010 to 15th March 2010 (12 days retreat)
Place : Jurong West Central 1 , Singapore
Subject : Explanation and Introducing “How to use infinite peaceful mind power for spiritual purification (or) How to overcome the problems and stress entirely” (Learning Vipassana-Insight Meditation).
Taught by : Infinite Peaceful Mind Power Specialist, Tsunami Sayadaw U Ottamasara of Thanlyin Pagoda Hill Meditation Centre (Thanlyin) Yangon, Myanmar.
Contact No : 65-90993827 (Maw Maw) / 65-84281214 (Aung Thu)
Those who are interested in to learn Vipassana-Insight Meditation techniques as well as an essence of meditation or to do meditation under the guidance of Sayadaw are welcomed to join the above 12-days retreat in Singapore. You may join the retreat at your own pace and convenience or at any time during Sayadaw’s stay in Singapore.
Kindly contact the undersigned or the above mentioned persons for the latest programme updates.
May you be happy and be able to give more time for real happiness or peace!!
pls forward to your dhamma friends in S'pore.
With metta,
Soe Win Htut
"ဓမ္မမိတ်ဆွေအပေါင်းတို့ခင်ဗျား"
၁) အချိန်မရွေး နေရာမရွေး လူမျိုးဘာသာမရွေး မှန်ကန်နေမည့် သစ္စာတရား အမှန်တရားကို သိရှိလက်ခံလိုသူများအတွက် လည်းကောင်း
၂) တရားအားထုတ်နေပြီး ၀ိပဿနာဥာဏ်များ ဖြစ်ပေါ်ရန် ခက်ခဲကြန့်ကြာနေသူများ အတွက် လည်းကောင်း၊
၃) စိတ်ပူပန်မှု-ဘ၀အခက်အခဲများကို မှန်ကန်သောနည်းလမ်းဖြင့် စနစ်တကျ ကျော်လွှားလိုသူများအတွက် လည်းကောင်း၊
၎) ဘ၀တစ်လျှောက် စိတ်ချမ်းသာစွာ ဖြင့် ဘ၀တွင် အောင်မြင်ခြင်းအစစ်ကို ရယူလိုသူများအတွက် လည်းကောင်း၊
၅) ရောဂါဝေဒနာရှင်များ ကိုယ်နာသော်လည်း စိတ်မနာဘဲ နေနိုင်သည့်ဖြစ်လျှက် ဝေဒနာများကို အသုံးချကာ တရားအသိဥာဏ်ထူးများ ဖြစ်ပေါ်ရေးအတွက် လည်းကောင်း၊
၆) ယခုဘ၀ကောင်းစားရေး (သို့) နောက်ဘ၀အပါယ်မကျရေး အတွက် သေနည်းသင်တန်းတရား တက်လိုသူများအတွက် လည်းကောင်း
၇) သစ္စာတရား ၀ိပဿနာ တရား စတင်အားထုတ်လိုသူများအတွက်လည်းကောင်း -
ရည်ရွယ်လျက် သစ္မာတရား ၀ိပဿနာ တရားနှလုံးသွင်းမှု ကို စိတ်ရှည်ရှည်နှင့်လက်တွေ့ လုပ်ဆောင်နိုင်ရန် သင်ကြားပြသပေးမည့် -
ရန်ကုန်မြို့ သံလျင်ဘုရားကုန်း သဘာဝရိပ်သာ (ဆူနာမီ)ဆရာတော် သည် အောက်ဖော်ပြပါလိပ်စာတွင် သီတင်းသုံးကာတရားရှင်းပြခြင်း (သို့) သစ္စာတရားနှလုံးသွင်းပုံကို guide လုပ်သင်ကြားပေးမည် ဖြစ်ပါသည်။
စိတ်ပါဝင်စားသူများ မိမိအားလပ်သည့်အချိန်တိုင်းတွင် လာရောက်တရားမေးမြန်း အားထုတ်နိုင်ကြပါကြောင်း မေတ္တာရှေ့ထားနှိုးဆော်အပ်ပါသည်။
Date : 4th March 2010 to 15th March 2010 (12 days retreat)
Place : Jurong West Central 1, Singapore
သံလျင်ဘုရားကုန်းသဘာဝရိပ်သာ (ဆူနာမီ) အ၀ိဇ္ဖာမှ ၀ိဇ္ဖာသို့ ဆရာတော် ဦးဥတ္တမသာရ ကိုယ်ရေးအကျဉ်း
(၂၆.၁၀.၁၉၆၉) သီတင်းကျွတ်လပြည့်နေ့တွင် ဆရာတော်အား စစ်ကိုင်းတိုင်း၊ကသာမြို့တွင်မွေးဖွားခဲ့သည်။ ၁၉၉၄တွင် ရန်ကုန်တက္ကသိုလ်မှ (B.A English)ဘွဲ့ရခဲ့သည်။ (၁၆)နှစ်အရွယ်မှစ၍ စီးပွားရေး လောကထဲ စတင်ဝင်ရောက်ခဲ့ပြီး (၂၃)နှစ်တွင် ကိုယ်ပိုင်စီးပွားရေးလုပ်ငန်း စတင်ခဲ့သည်။ စီးပွားရေးအကြီးအကျယ် လုပ်ကိုင်နေဆဲ စိတ်ဖိစီးမှုများကြုံတွေ့နေချိန် (၂၉)နှစ်အရွယ်တွင် ဓမ္မမိတ်ဆွေတစ်ဦး၏ ဖိတ်ခေါ်ချက်အရ အင်းစိန်-၁၀မိုင်ကုန်း ရွာမကြီးကျောင်းရှိ (၅)ရက်တရားစခန်းလေးတွင် အချိန်ပိုင်း တရားနာ၊ တရားထိုင်ရာမှ မိုးကုတ်ဆရာတော်ကြီး ၏ တရားနှင့် ပထမဆုံးစတွေ့ခဲ့သည်။
တရားနှင့်တွေ့ပြီး နေ့စဉ်ပုံမှန် တရားထုတ်ကာ (၁.၆.၂၀၀၀)တွင် အ၀ိဇ္ဇာမှဝိဇ္ဇာသို့ တရား အလှူတော်လုပ်ငန်း ကို စတင်ဖွင့်လှစ်ကာ တရားစီဒီ၊တရားစာအုပ်၊တရားခွေ များ အခမဲ့ငှားရမ်းပေးခဲ့ရာ မြန်မာနိုင်ငံတွင် ၀ိပဿနာတရားနှင့် ပတ်သက်ပြီး အစုံလင်ဆုံး နေရာလေးဖြစ်ခဲ့လေသည်။ ထို့နောက်ဆရာကြီးဦးဘခင် ရိပ်သာ သို့ဝင်၍ တရားအားထုတ်ခဲ့ပြီး နောက်(၈)လ အကြာတွင် ဒုတိယအကြိမ် ဦးဂိုအင်ကာရိပ်သာသို့ဝင်ရောက်၍ အထူးကြိုးစား တရားအားထုတ်အပြီးတွင် စီးပွားရေးလုပ်ငန်း အားလုံးရပ်စဲပြီး (၉)နှစ်တာ ကိုယ်တိုင် ပင်ပင်ပန်းပန်း ရှာဖွေထားသမျှ တိုက်ခန်း၊ ဖုန်း၊ ကားနှင့် ငွေကြေး တစ်ပြားမကျန်ကို တရားအလှူတော်လုပ်ငန်း ရေရှည်ရပ်တည်နိုင်ရန်အတွက် အပြီးအပြတ် စွန့်လွှတ်လှူဒါန်းလိုက်သည်။
နောက်ဆုံး (၁၀)ရက် တရားစခန်းအဖြစ် မိုးကုတ်ဝိပဿနာ အဖွဲ့ချုပ်မှ ထွက်လာအပြီးတွင် စိတ်ဖိစီးမှုများမှ အကင်းမဲ့ လွတ်ကင်းခဲ့လေသည်။ နောက်(၁၀)လ ကြာသောအခါ၌ မိမိ စိတ်ဖိစီးမှုများမှ
အကင်းမဲ့ လွတ်မြောက်ခဲ့သလို အခြားသူများလည်း လွတ်မြောက်စေရန်အတွက် မိမိ သိရှိနားလည်ခဲ့သော ဘုရားရှင်၏ လွတ်မြောက်လမ်းအစစ် (၀ိပဿနာအကျင့်လမ်း)ကို အခြားသူများအား သင်ပြပေးခြင်းဖြင့် သာသနာကို အသက်ထက်ဆုံး ပြုရန် ယတိပြတ် ဆုံးဖြတ်ချက်ချကာ အသက်(၃၃)နှစ်ပြည့်သည့် (၂၁.၁၀. ၀၂) သီတင်းကျွတ်လပြည့်နေ့တွင်
အလွန်ရခဲသော မြင့်မြတ်သော ရဟန်းဘ၀သို့ အပြီးတိုင်ဝင်ရောက်ခဲ့သည်။
၂၀၀၇ ခုနှစ်တွင် ၄၅လမ်း တရားရိပ်သာကိုဖွင့်လှစ်ခဲ့ပြီး၊၂၀၀၈ခုတွင် သံလျင်တရားစခန်းကိုဖွင့်လှစ်ကာ
သေခါနီးလူများ၊ စိတ်ဓါတ်ကျအားငယ်နေသူများ၊ ရောဂါဝေဒနာရှင်များ၊ တရားကို လုံးဝနားမလည်သေးသူများ၊ တရား ပျောက်နေသူများ၊ အများအကျိုးအထိရောက်ဆုံး ဆောင်ရွက်လိုသူများ၊ ဘ၀အဓိပ္ပါယ် ရှာဖွေနေသူများ၊ အမှန်တရားကိုမြတ်နိုးသူများ နှင့် အကောင်းစစ်၊ ချမ်းသာအစစ်ကိုအလိုရှိသူများ အားလုံးကို မိမိ(၃)နှစ်နီးပါး ကိုယ်တိုင်လက်တွေ့ လိုက်နာကျင့်သုံးသိရှိခဲ့သော ၀ိပဿနာ ရှုပွားနည်း(သစ္စာတရားနှလုံးသွင်းပုံ) ကိုသင်ကြားပြသပေးခြင်းဖြင့်
လူမျိုးဘာသာမရွေး အခက်အခဲ ပြဿနာဖြစ်နေသူအားလုံး၏ အခက်အခဲ ပြဿနာများကို အရှင်းပြေလည်သွားသည့်တိုင်အောင် ကူညီစောင့်ရှောက်ဖြေရှင်းပေးလျှက်ရှိနေသည်မှာ ယနေ့တိုင်ဖြစ်လေသည်။
မေတ္တာဖြင့်
စိုးဝင်းထွဋ်
(www.moethout.com)
(www.kodiamond.mulitply.com)
(www.trueanswer.co.cc)
(www.dhammabooks.co.cc)
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
ဓမ္မမိတ်ဆွေ သူတော်စင်အပေါင်းတို့ခင်မျာ -
၁) အချိန်မရွေး နေရာမရွေး လူမျိုးဘာသာမရွေး မှန်ကန်နေမည့် သစ္စာတရား အမှန်တရားကို သိရှိလို လက်ခံ လိုသူများအတွက် လည်းကောင်း
၂) တရားအားထုတ်နေပြီး ၀ိပဿနာဥာဏ်များ ဖြစ်ပေါ်ရန် အခက်အခဲဖြစ်၊ ကြန့်ကြာနေသူများ အတွက် လည်းကောင်း၊
၃) စိတ်ပူပန်မှုများ သောကများကို မှန်ကန်သောနည်းလမ်းဖြင့် စနစ်တကျ စွန့်လွှတ်လိုသူများအတွက် လည်းကောင်း၊
၎) ပူပင်သောကများ ကင်းဝင်းကာ ဘ၀တစ်လျှောက် စိတ်ချမ်းသာစွာ နေသွားနည်း(သို့) ဘ၀တွင် အောင်မြင်ခြင်း အစစ်ကို ရယူလိုသူများအတွက် လည်းကောင်း၊
၅) ရောဂါဝေဒနာရှင်များ ကိုယ်နာသော်လည်း စိတ်မနာဘဲ နေနိုင်သည့်ဖြစ်လျှက် ဝေဒနာများကို အသုံးချကာ တရားအသိဥာဏ်ထူးများ ဖြစ်ပေါ်ရေးအတွက် လည်းကောင်း၊
၆) ယခုဘ၀ကောင်းစားရေး (ရှင်ရေး)။ နောက်ဘ၀အပါယ်မကျရေး(သေရေး) စသည်ဖြင့် သေနည်းသင်တန်းတရား တက်လိုသူများအတွက် လည်းကောင်း
၇) သစ္စာတရား ၀ိပဿနာ တရား စတင်အားထုတ်လိုသူများအတွက်လည်းကောင်း - ရည်ရွယ်လျက် -
မှန်ကနု ထိရောက်သော တရားအသိဥာဏ်ဖြစ်ပေါ်ရေး သစ္မာတရား နှလုံးသွင်းမှု ကို စိတ်ရှည်ရှည်နှင့် လက်တွေ့ လုပ်ဆောင်နိုင်ရန် သင်ကြား ပြသ ပေးမည့် အ၀ိဇ္ဇာ မှ ၀ိဇ္ဇာသို့ သန်လျင်ဘုရားကုန်းသဘာဝရိပ်သာ (ဆူနာမီ) ဆရာတော်သည် -
၂၀၁၀ ခု၊ ဖေဖော်ဝါရီလ ၁၃ ရက် မှ ၂၁ ရက်နေ့ထိ -
No.1, Jalan Putra Bistari 2/5J,
Putra Height, 47650 Subang Jaya, Selangor,
Malaysia.
အထက်ပါ လိပ်စာတွင် သီတင်းသုံးကာ တရားရှင်းပြခြင်း ၊ သစ္စာတရားနှလုံးသွင်းးပုံကို Guide လုပ် သင်ကြားပေးမည်ဖြစ်ပါသည် ။ ထို့ကြောင့် စိတ်ပါဝင်စားသူများ အထက်ပါ လိပ်စာသို့ ဆရာတော် သီတင်းသုံးနေစဉ် ရက်များ အတွင်း မိမိအားလပ်သည့်အချိန်တိုင်းတွင် လာရောက် တရားမေးမြန်းခြင်း၊ ဆွေးနွေးခြင်း၊ တရားအားထုတ်ခြင်းများ ပြုလုပ်နိုင်ပါကြောင်း မေတ္တာရှေ့ထား နိုးဆော်အပ်ပါတယ်ခင်မျာ-
မေတ္တာဖြင့်
စိုးဝင်းထွဋ်
အွန်လိုင်းမှ မေးမြန်းလိုသူများ skype နဲ့ ပြောဖို့ စီစဉ်ထားပါတယ် ။ ဒါကြောင့် skype မှာ အကောင့်ဖောက်ပြီး sayartaw40 ဆိုတဲ့ skype name ကို invite လုပ်ပေးကြဖို့ မေတ္တာရပ်ခံပါတယ် ။
14.2.2010 တနင်္ဂနွေနေ့ မလေးရှား စံတော်ချိန်ည (၀၉း၀၀)၊ ရုရှစံတော်ချိန်ညနေ (၀၄း၀၀)တွင် တရားရှင်းပြပေးသွားမှာ ဖြစ်ပါတယ် ။
ဆရာတော်နဲ့ မတွေ့ဆုံခင် ဆရာတော် ဖြတ်သန်းခဲ့တဲ့ တရားအတွေ့အကြုံ အသိအမြင်တွေကို သိရှိနိုင်စေရန်
ဒီနေရာမှာ
ဒေါင်းလုပ်ချ ဖတ်ရှုနိုင်ပါတယ် ခင်ဗျ ။ အားလုံးပဲ ရည်ရွယ်ရာပန်းတိုင်ရောက်ပြီး ငြိမ်းချမ်းနိုင်ကြပါစေဗျာ ။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
၁ ။စကားခြောက်ခွန်း လူ၌ထွန်း ၊ လေးခွန်းကို ပယ် နှစ်ခွန်းတည်။
မှန်သည် နာလိုသည် အကျိုးရှိသည်။
မှန်သည် မနာလို အကျိုးရှိသည်။
မှန်သည် နာလိုသည် အကျိုးမရှိ။
မှန်သည် မနာလို အကျိုးမရှိ။
မမှန် နာလိုသည် အကျိုးမရှိ။
မမှန် မနာလို အကျိုးမရှိ။
မှန်ပြီး အကျိုးရှိသော စကားနှစ်ခွန်းကိုသာ ပြောဆိုအပ်ပါသည်။ မှန်ပြီး အကျိုးမရှိသော စကားနှစ်ခွန်း နှင့် မမှန်သည့် စကားနှစ်ခွန်းကိုမူ လုံးဝ မပြောဆိုအပ်ပေ ။
၂ ။ တစ်ကယ့်ရန်သူ အစစ်က တပါးသူ မဟုတ်ပါဘူး ။ မိမိကိုယ်မှာ ဖြစ်နေတဲ့ ကိလေသာပါ ။ ကိလေသာ ကို နိုင်အောင် တိုက်ရမှာ ။ ဒါကြောင့် စိတ်ရဲ့ငြိမ်းချမ်းမှု မရှိပဲနဲ့တော့ အောင်မြင်မှုအစစ်အမှန်မဟုတ်သေးပါဘူး။
၃ ။ သူတပါး ပါးစပ်ဖျားမှာ လမ်းမဆုံးကြနဲ့ ။ ကိုယ့်ခန္တာမှာတွေ့အောင်ရှာ ။ စကားဟာ စကားပဲ တရားတော့ မဟုတ်သေးဘူး ။
၎ ။ ပရမတ်အကြောင်း ပြောရမယ်ဆိုရင်တော့ ပြောစရာ စကားတစ်လုံးမှ မရှိပေဘူး ။ ခင်ဗျားတို့ လောကီ ကိစ္စကတော့
မှန်တယ်ဆိုရင်လည်း မှန်လို့ရတယ် ။ မှားတယ်ဆိုရင်လည်း မှားလို့ ရတယ် ။ အစကတည်းက တစ်ခုမှ
တစ်ကယ်မရှိလို့ပဲ ။
၅ ။ ဦးဇင်းက အတိတ်ကာလတုန်းက ဝေသာဘူ ဘုရားလက်ထက်မှာ ဘုရင်ဖြစ်ခဲ့တယ် ။ ပိဋကတ်သုံးပုံလည်း ဘယ်ပြန်နှပြန် လှန်ခဲ့တယ် ။ မင်းတို့ အတတ်လည်း အတတ်မျိုးစုံ ကုန်ခဲ့တယ် ။ ငါ့လောက်တတ်တဲ့ ပုဂ္ဂိုလ် မရှိဘူး ဆိုပြီး သံဃာတော် အရှင်မြတ်များလည်း ငါမေးလိုက်ရင်တော့ မခံနိုင်ဘူး ဆိုပြီး ရဟန်းလည်း ခေါ်မေးတာပဲ ။ ခေါ်မေးတော့ မဖြေနိုင်ဘူး ။
ဒီကောင် ရဟန်းသာ ဖြစ်တယ် ငါ့လောက် မတတ်ပါဘူးကွာ ဒီလို တေးလိုက်တယ် ။
ဦးဇင်းက အဲ့လို ဝေသာဘူ ဘုရားလက်ထက်က ၀စီကံ ထိုက်ခဲ့လို့ အခု ဂေါတမမြတ်စွာဘုရား သာသနာမှာ စာသင်ချင်စိတ် လုံးဝ မရှိခဲ့ဘူး ။ အဲ့ဒီ ကံကြီးထိုက်တာ ။ ဒါကြောင့် အခုလာရောက်ကြတဲ့ ဒကာ ဒကာမများ ဘာမှ မစားရ မသောက်ရပဲ ၀စီဗေဒကံတော့ မမျက်ကြနဲ့ ။
ကြောက်စရာကြီး ကြောက်စရာကြီး ။ ၀စီဗေဒ မျက်တိုင်း ရှတယ် ဒကာကြီးရဲ့ ။ ဝေသာဘူ ဘုရားလက်ထက်ကနေ အခုထိ လိုက်တုန်း ။ အခုထိ စာသင်လို့ မရဘူး ။ ဘယ်လိုဖတ်လို့မှ မရဘူး ။ ငါ့လောက် မတတ်ပါဘူး ဆိုပြီး တေးခဲ့တဲ့ ၀စီကံ ။
ဒါကြောင့် ဒကာ ဒကာမများ ၀စီဗေဒကံများ မမျက်ကြနဲ့ ။ မာန်မကြီးကြနဲ့ ။ မာန်ကြီးရင် သူများဖို့ ဖြစ်သွားမယ် ။ မာန်မကြီးရင် ကိုယ့်ဖို့ ။
ကိုယ့်စိတ် ကိုယ်စစ် ကိုယ့်ကိလေသာ ကိုယ်စစ်ဗျာ ။ ဘာလို့လဲ ဆိုတော့ အချိန်ကျရင် ဒီ ကိလေသာတွေကပဲ
ကိုယ့်ကို အပါယ်ဆွဲချမှာ ။
ဦးဇင်းက အပြောသမားတော့ မကြိုက်ဘူးဗျ ။ အလုပ်မလုပ်မှတော့ အပြောသမားသက်သက်ဖြစ်ပြီး အပါယ်လည်း ပိတ်မှာ မဟုတ်ဘူး ။
သီလမှုလေးက ရံဖန်ရံခါ ဒါနမှုလေးက ရံဖန်ရံခါ သမထမှုလေးက ရံဖန်ရံခါ ။
ဒါပေမယ့် အပါယ်ဆင်းမယ့် အကုသိုလ်အမှုတွေကတော့ ၂၄ နာရီပတ်လုံး တင်းပြည့်ကျပ်ပြည့် လှေတွေ လှည်းတွေ သင်္ဘောတွေ လေယာဉ်တွေနဲ့ တိုက်လို့ မကုန်ဘူးဗျ ။ ဒွာယခြောက်ပေါက်က ၀င်လာသမျှ အသိမှား အမြင်မှားတွေက အပါယ်သွားဖို့ ဟင်းလင်းပွင့်နေပြီ ။ ခန္တာမှာ ရုပ်နမ်ကွဲအောင် ရှုချင်ရှု ၊ ပညတ် ပရမတ် ကွဲအောင် ရှုချင်ရှု ၊ ခန္တာငါးပါး မြင်အောင် ရှုချင်ရှု ၊ အဲ့လိုမှ ကွဲပြားအောင် မကျင့်ကြံနိုင်လို့ကတော့ လေးဘက်ထောက် မိုးကျောခိုင်းပြီး အပါယ်ဆင်းရမယ်သာ မှတ် ။
၆ ။ ကိုယ့်စိတ်သာကိုယ်စစ်
သူတစ်ပါး၏ပြောဆို ဆဲရေးစကားကိုမဆင်ခြင် မအောက်မေ့သင့်၊ သူတပါး၏ ကောင်းမှု၊ မကောင်းမှုကို မရှုမဆင်ခြင်အပ်၊ မိမိစိတ်၏ ကောင်းမှု၊ မကောင်းမှုကိုသာ ဆင်ခြင်ကြည့်ရှုအပ်၏။ မေ့လျော့ခြင်းကို မမေ့လျော့ခြင်း၊ မကောင်းမှုကို ကောင်းမှုဖြင့် ဖုံးအုပ် ဖယ်ခွာ ရာ၏။
၇။ ရန်လိုရင် ရန်ပို၊ ရန်မလိုမှ ရန်ပြို။
ဤသူသည်ငါ့ကိုဆဲရေး ၏၊ညှဉ်းဆဲ၏၊ အနိုင်ကျင့်၏၊ ငါ့ဥစ္စာကိုယူ၏ဟု စိတ်၌ အမျက်ထားလျက် ရန်ငြိုးဖွဲ့သူတို့မှာရန်မငြိမ်း၊ ဤသို့ အမျက်မထားရန် ငြိုးမဖွဲ့လျှင် ရန်ငြိမ်း၏။
၈ ။ ကိုယ့်ကံကြမ္မာကို ကိုယ်သာဖန်တီးနေတာပါ။
မိမိပြုသော၊ မိမိ၌ဖြစ်သော၊မိမိကြောင့်ဖြစ်သော မကောင်းမှုသည် ထိုသူမိုက်ကိုပင် ဖျက်စီး၏၊ ။ မကောင်းမှုကို မိမိပြုလျှင် မိမိပင် ညစ်ညူး၏၊ ။ ကောင်းမှုကို မိမိပြုလျှင် မိမိပင် စင်ကြယ်၏။ စင်ကြယ်ခြင်း၊ ညစ်ညူးခြင်းကို မိမိပင် ပြုလုပ်၏။
၉။ သူများမကြောက်နဲ့၊ ကိုယ့်အမှားကိုယ်ပြန်ကြောက်။
လူဆိုး (သို့မဟုတ်) ရန်သူ၏ မိမိအား အကျိုးမဲ့အောင် ပြုလုပ်မှုမှာ ဤတစ်ဘ၀ သာပြုနိုင်၏။ မိမိပြုထားမိသော အကုသိုလ်ကံကမှု မိမိကို ဘ၀များစွာ ပျက်စီးအောင် ပြုနိုင်၏။
၁၀ ။ ကိုယ်ရှူး ကိုယ်ပတ်
မပြစ်မှားထိုက်သော၊ စင်ကြယ်သော ကိလေသာကင်းသူအား ပြစ်မှားလျှင် လေညှာ သို့ ပစ်လွင့်သော မြူမှုန်သည် လွှင့်သူ အပေါ် ပြန်ကျသကဲ့သို့ ပြစ်မှားသော သူကိုသာ မကောင်းကျိုးပေး၏။
၁၁ ။ အချိန်တန်ရင်
မကောင်းမှုပြုသူသည် မကောင်းကျိုး မပေး သေးသရွေ့သာ ကောင်းကျိုး ချမ်းသာကို တွေ့မြင်ရ၏။
ကောင်းမှုပြုသူလည်း ကောင်းကျိုး မပေး သေးသရွေ့သာ မကောင်းသောဆင်းရဲ ကို တွေ့မြင်ရ၏။
၁၂ ။ အကုသိုလ်ဘေးပြေးမလွတ်၊ တရားအားကိုးမှလွတ်
မကောင်းမှုပြုသူသည် ကောင်းကင်၌နေသည်ဖြစ်စေ၊ သမုဒ္ဒရာ၌နေသည်ဖြစ်စေ၊ တောင်ခေါင်း၌နေသည်ဖြစ်စေ မကောင်းကျိုးမှ မလွတ်နိုင်၊ အပြစ်မှလွတ်သော နေရာ အရပ်မရှိချေ။
၁၃ ။ ကဲ့ရဲ့၊အပြစ်တင်၍ တရားမရနိုင်။
မြတ်စွာဘုရား ဇေတ၀န်ကျောင်း၌နေတော် မူသော အခါ အတုလျ မည်သော ဥပါသကာသည် ရှင်ရေ၀တ မထေရ်ကို စကားမပြော-တုဏှိဘာဝေနေသည် ဟု ကဲ့ရဲ့၏၊ ရှင်သာရိပုတ္တရာ ကိုလည်း အဘိဓမ္မာတရားချည်း ဟောသည် ဟု ကဲ့ရဲ့၏၊ ရှင်အာနန္ဒာ ကိုလည်း စကား တတ်လွန်းသည် ဟု ကဲ့ရဲ့၏၊ ထို့ကြောင့် မြတ်စွာဘုရားသည် အို အတုလျ၊ ဤကဲ့ရဲ့ခြင်းသည် ယခုကာလမှ ဖြစ်သည် မဟုတ်၊ ရှေးကပင်ဖြစ်၏၊ ဆိတ်ဆိတ်နေသူကိုလည်း ကဲ့ရဲ့ ကုန်၏၊ များစွာပြောဟောသူကိုလည်း ကဲ့ရဲ့ကုန်၏။ နှိုင်းချိန် ၍ ပြောဟောသူကိုလည်း ကဲ့ရဲ့ကြကုန်၏။ လောက၌ ကဲ့ရဲ့ လွတ်သူမရှိ။
သူတပါးတို့၏အပြစ်ကိုအစဉ်ရှု၍၊ ကဲ့ရဲ့ခြင်းကြောင့် အာသဝေါတရားတို့သာ တိုးပွားကုန်၏၊
ထိုသူသည် အာသဝေါတရား ကုန်ခန်းသည့် ရဟန္တာအဖြစ်မှ ဝေးလေ၏။ ဤ သို့ မိန့်တော်မူလေသည် ။
၁၄ ။ သူတော်ကောင်းနဲ့ နေပြီး တရားကို အဓိကမထားဘဲ ကိုယ်ကြီးချင်တဲ့ အရေးကြီး နေရင် လူမိုက်ပဲ။
အိပ်မပျော်သောသူအတွက် ညဥ့်တာရှည်၏။ သူတော်ကောင်းတရား မသိသော သူမိုက်တို့အတွက် သံသရာသည်ရှည်၏။
ယောက်မသည် ဟင်းအရသာကို မသိသကဲ့သို့ သူမိုက်သည် အသက်ထက်ဆုံး ပညာရှိနှင့် အတူနေ သော်လည်း သူတော်ကောင်းတရား ကို မသိချေ။
၁၅ ။ မနှေးလေ ကောင်းလေ
ကုသိုလ်ကောင်းမှုကို အလျင်ပြုရာ ၏။ စိတ်ကိုမကောင်းမှုမှ တားမြစ်ရာ ၏။
ကောင်းမှုပြုရန် နှေးသောသူ၏စိတ် သည် မကောင်းမှု၌ မွေ့လျော်တတ်၏။
၁၆ ။ အကျင့်သိ
ဆင်ခြင်သိ စိန္တာမယဥာဏ်ဖြင့် လည်းကောင်း၊ ယုံကြည် လေးစားထိုက်သော ပုဂ္ဂိုလ် တို့၏ အဆိုအမိန့်၊ ယုံကြည်ကိုးစားထိုက်သော
စာပေကျမ်းဂန် တို့အပေါ် အခြေခံ၍ သိသော အသိ သုတမယဥာဏ် ဖြင့် လည်းကောင်း၊ ပရမတ္ထသစ္စာ ကိုမသိနိုင်ဘဲ သတိပဋ္ဌာန်-တရား ကို ကိုယ်တွေ့အားထုတ်၍ ပေါ်ပေါက် လာသော အသိဥာဏ်၊ ဘာဝနာမယဥာဏ် ဖြင့် သာလျှင်
တွေ့မြင်နိုင်၏။
၁၇ ။ တရားနားလည်ရင် သေတာ၊ မသေတာ အရေး မကြီးတော့ပါ။
ပညာမရှိ၊ သမာဓိမရှိသောသူ၏ အနှစ်တရာပတ်လုံး အသက်ရှည်ခြင်းထက် ပညာရှိ၍ ကမ္မဋ္ဌာန်းရှုသောသူ၏ တစ်ရက်မျှ အသက် ရှည်ခြင်းသည် မြတ်၏။ မြတ်သောတရားကိုမမြင်ဘဲ အနှစ်တရာပတ်လုံး အသက်ရှည်ခြင်းထက်၊ မြတ်သော တရားကိုမြင်ပြီး
တစ်ရက်မျှအသက်ရှည်ခြင်းသည် မွန်မြတ်၏။
၁၈ ။ မတူရင် ပြိုင်စရာ မလိုဘဲ နိုင်ပြီးသား။
အမျက်ထွက်သူကို အမျက်မထွက်ခြင်းဖြင့် အောင် နိုင်လေ၏၊ မကောင်းသောသူကို သူတော်ကောင်း တရားဖြင့် ဆက်ဆံကာ အောင်နိုင်လေ၏၊ ၀န်တိုသောသူ ကိုပေးကမ်းခြင်းဖြင့် အောင် နိုင်လေ၏၊ မဟုတ်မမှန် ပြောဆိုသူကို မှန်ကန်သော စကားဖြင့် အောင်နိုင်လေ၏။
၁၉ ။ အများကိုအသာထားပြီး ကိုယ်တစ်ယောက်ကို သာ အရင်ဆုံးမကြည့်ပါဦး။
သူတပါးကို ဆုံးမသကဲ့သို့မိမိကိုယ်ကိုဆုံးမရာ၏၊ မိမိကိုယ် ကိုကောင်း စွာဆုံးမပြီးမှ သူတပါးကိုဆုံးမရာ၏။
၂၀ ။ နိဗ္ဗာန်ချမ်းသာ
- ရာဂနှင့်တူသော မီးမရှိ၊
- ဒေါသနှင့်တူသော အပြစ်မရှိ၊
- ခန္ဓာနှင့်တူသော ဆင်းရဲမရှိ၊
- နိဗ္ဗာန်ထက်လွန်သော ချမ်းသာမရှိ။
၂၁ ။ စောင့်စည်းခြင်း
-မျက်စိစောင့်စည်းခြင်းသည် ကောင်း၏၊
- နားစောင့်စည်းခြင်းသည်ကောင်း၏၊
- နှာခေါင်းစောင့်စည်းခြင်း သည်ကောင်း၏၊
- လျှာ(နှုတ်)စောင့်စည်းခြင်းသည်ကောင်း၏၊
- ကိုယ်စောင့်စည်းခြင်းသည် ကောင်း၏၊
- စိတ်စောင့်စည်းခြင်းသည်ကောင်း၏၊
- အလုံးစုံသော ဒွါရခြောက်ပါး စောင့်စည်းခြင်း သည်ကောင်း၏၊
- အလုံးစုံသော ဒွါရခြောက်ပါး တို့၌ စောင့်စည်းသော ပုဂ္ဂိုလ်သည် အလုံးစုံသော ဆင်းရဲမှ လွတ် ၏။
၂၂ ။ ဒုစရိုက် ( ၁၀ ) ပါးထဲက
....၁ ။ မုသာဝါဒ ၊ မဟုတ်မမှန်သော စကားကို ပြောဆိုခြင်း ။
....၂ ။ ပိသုဏ၀ါစာ ၊ ကုန်းတိုက်စကား ပြောဆိုခြင်း ။
....၃ ။ ဖရုသ၀ါစာ ၊ ကြမ်းတမ်း ရိုင်းစိုင်းသောစကားကို ပြောဆိုခြင်း ။
....၄ ။ သမ္ဖပ္ပလာပ ၊ အကျိုးမရှိ သေးနုပ် သိမ်ဖျင်းသော စကားကို ပြောဆိုခြင်း ။ တို့ဟာ ၀စီ ဒုစရိုက် ( ၄ ) ပါး ......ဖြစ်တယ် ။
အဲ့ဒီ ဒုစရိုက် ( ၄ ) ပါးကိုမှ
....၁ ။ ကိုယ်တိုင်ပြုလုပ် ပြောဆို ကြံစည်ရင် (သာဟတ္ထိက) အကုသိုလ်ကံ လေးပါး ။
....၂ ။ သူတစ်ပါးကို ပြုလုပ် ကြံစည် ပြောဆိုအောင် တိုက်တွန်းရင် (အာဏတ္ထိက) အကုသိုလ်ကံ လေးပါး ။
....၃ ။ သူတစ်ပါး ပြုလုပ်နေတာကို ချီးမွန်းရင် (၀ဏ္ဏဘာသန) အကုသိုလ်ကံ လေးပါး ။
....၄ ။ သူတစ်ပါး ပြုလုပ်နေတာကို သဘောတူ သဘောကျနေရင် (သမနုည) အကုသိုလ်ကံ လေးပါး ။
....စုစုပေါင်း အပါယ်ကျကြောင်း ဒုစရိုက် ( ၁၆ ) ပါးဟာ နုတ်မစောင့်စည်းခြင်းကြောင့် ဖြစ်တယ် ။
၂၃ ။ နုတ်တစ်ရာ စာတစ်လုံး ၊ စာတစ်ပွေ့ လက်တွေ့ တစ်ချက် ။
၂၄ ။ လမ်းသည် ပန်းတိုင် မဟုတ် ။ ငါ့လမ်း ဆိုပြီး တငါငါနဲ့ လမ်းစောင့် လုပ်နေရမှာ မဟုတ်ဘူး ။
၂၅ ။ ငါက ဘာကောင်ဆိုပြီး တငါငါ လုပ်လိုက်ရင် သူတပါးကိုလည်း ဘာကောင်ဆိုပြီး အထင်သေးခြင်း အထင်ကြီးခြင်းတွေ ၀င်လာတယ် ။ ငါ မရှိ သူမရှိ ။ မရှိတာကို အရှိထင်နေတဲ့ သဘောပဲ ရှိတယ် ။
၂၆ ။ သူတပါး ကောင်းတာ ဆိုးတာကို အသာထားဦး ။ မိမိကောင်းဖို့ အရင်လုပ် ။ ကိုယ်လုပ်တာတွေ ကိုယ်ပဲ ပြန်ခံရမှာ ။
၂၇ ။ ပညတ် စကားလုံးမှာ လမ်းမဆုံးနဲ့ အဲ့နောက်ကွယ်က တရစပ်ဖောက်ပြန်နေတဲ့ သဘောကို မြင်အောင်ကြည့် ။
၂၈ ။ အချိန်မဆွဲနဲ့။
အဘယ်သူသည် နက်ဖြန် သေရမည်ကို သိနိုင်အံ့နည်း၊ ယနေ့ကပင် အားထုတ် သင့်သော ကုသိုလ်ကောင်းမှု ကို ပြုလုပ်သင့်၏ ။
မှီငြမ်းတရားတော်များ ။ ။ မိုးကုတ်ဆရာတော်ဘုရားကြီး ၊ မြောင်းမြ၀ါးကျောင်း ဆရာတော်ဘုရားကြီး ၊ သဲအင်းဂူဆရာတော်ဘုရားကြီး ၊ ဆူနာမီဆရာတော် ဦးဥတ္တမသာရ ။
ဒေါသ လောဘ မောဟ မာန်မာနကင်းကာ တရားအသိ ၀ိပဿနာ အသိဖြင့် ငြိမ်းချမ်းနိုင်ကြပါစေဗျာ ။
စိတ်ဝင်စားသေးရင် နှိပ်လိုက်ပါခင်ဗျ ...
ကျေးဇူးတင်ပါတယ်ခင်ဗျ ပြန်ခေါက်လို့ ရပါပြီ ...
